看openrice的相片,找到了這裡,再看餐牌,五百多有一餐 omakase,的確,驚且喜,也不相信自己的眼睛,於是, 最實際的,是動身來試下那食物質素如何,老實說,如果味道不好, 五十蚊一餐又怎樣。
還記得之前是那間泰國的餐廳,竟然這麼快就換了,可惜, 不過開一間精美的日本餐廳,對我們喜歡日本菜的更是興奮。
這裡叫做櫻木,名字已經是充滿日本色彩,吃日本野是常識吧。
有a la carte,有omakase,當然不用選,就來一個餐。
前菜是東風螺和右口魚, 吃下去已經感受到其細膩的的刀功和食物的質素絕對不是求其像爭鮮 般的omakase,也立刻放下心頭大石,原來,呢個唔係伏。
然後是刺身的時間,三個也不是省油的燈,石垣貝,金目鯛, 牡丹蝦,全部都是中價貨色, 不會是五百幾就俾三文魚呑拿魚熟北寄貝俾你,石垣貝鮮甜, 金目燒過的肥美,仲要有滿口蝦膏的牡丹蝦震撼你味蕾。
紫菜拖羅,加上岩鹽和waskabi,油份夾在脆脆的紫菜, 你幾時會聽過拖羅唔好食,對唔住,係呢到冇呢個機會。
刺身後有這個燒和牛卷,想不到原有冷吃以外,熟食都不錯, 不會是求其膚淺了事。
然後是壽司時間,深海池魚的魚味當然是濃烈,雖然不夠肥, 但我也覺得這裡的池魚厚度是切得慷慨的。
帶子是普通了一點,但誰不喜歡大大粒鮮甜肥美的帶子呢。
左口魚的魚香和油份剛剛好,比剛剛的右口更加好。
呑拿魚就是簡單得多的質素,而且有點平凡,說真, 不吃也不太可惜。
北海道馬冀海膽,沒有平時一碗丼飯的幹勁, 在軍艦的小天地你還可以感受到爆哂海膽嘅滿足, 濃烈的叫你想起科大激烈的海胆。
最後原來都有大大份的丼飯,不過主角不是海膽, 而是那個非常肥美的魚籽,每粒在你口中爆得此起彼落, 就如在口中放煙花一樣。
另外,同行另一位朋友沒有吃omakase,吃了其他熟食, 這個天婦羅烏冬尚算中規中矩,另外一提,omakase中老有道 熱食非常不錯,只不過,因為價錢質素太過搶眼, 我集中講左好多刺身壽司。
到現在呢一刻,我還是不相信自己的眼睛, 在灣仔點解可以咁平價錢食左餐咁唔錯的日本野。
基於呢個理由,唔係唔推呀。
櫻木
灣仔軒尼詩道256號The Hennessy 3樓
沒有留言:
發佈留言