近來人氣飲食博客HP突然又講番起香港仔漁市場, 然後是一班人又討論那些街市漁市場之餐廳。
荃灣的楊屋道街市,出名到爆,但這裡卻沒有相應的餐廳, 不像鴨脷洲,不像大埔,不像大角咀,更不是柴灣。
不過,金記從來好吃都來有風格又有生意頭腦, 在荃灣完全冇對手的情況下,佢開左新分店,主力不再是西多士, 也不是牛肉麵,反而是海鮮小炒,晚飯格局。
當然,你知道薄扶林分店早已經做緊呢件事, 但夾著一個出哂名買平靚正海鮮嘅地方,又係另一回事。
一個海港,只有一個海港城,一個街市,也只有一間餐廳, 是專屬處理海鮮,即叫即食,就如痴男怨女在廁所就地正法一樣。
新店裝修依舊是走懷舊風,你喜歡舊香港,一定會鐘意。
我們今日來的目的是海鮮,當然要看看自來海鮮加工收費表,白灼、 清蒸鹽、鹽水浸、豉汁蒸都是$32斤,果皮蒸、蒜蓉蒸、豉油王、 薑蔥、上湯、醬爆、豉椒炒、椒鹽就$50,比起外間平得多, 我們都是向這幾方面選擇。
先叫了馬拉盞炒通菜,為今晚海鮮餐打定個底, 通菜當然有火有鑊氣,馬拉盞味道又濃,絕對是重口味佳音。
我太喜歡金記的炒野,於是手多叫了個馬來炒貴刁,吃得津津有味, 炒貴刁當然是辣辣的,如你尋找與別不同的味道,請不要來了。
響應楊屋道街市買的主角上場,買咗貴妃蚌,羔蟹, 細桶蠔和一條不錯的海班都是二百幾。
清蒸海班,時間剛剛好,蒸得甜美肉滑,加上那些蒸魚豉油, 無人可以抗拒。
蒜蓉粉絲蒸貴妃蚌是我的最愛,也不用說點樣整得好, 總知味道溫度色彩一流。
酥炸細桶蠔樣子普通,但酥炸又不會太厚, 和蠔的大小成了一個黃金比例, 我吃完後更加想知佢地點處理再大一點的蠔,一定很不錯。
薑蔥炒羔蟹這不是我杯茶,當日冇乜蟹腳,如果吃蒸蟹腳更好, 炒羔蟹的羔強到無朋友,薑蔥氣氛非常熱烈,朋友吃過不停, 只不過看你喜不喜歡,我會想再吃蒸貴妃蚌多一點, 但朋友卻用薑蔥送了大大碗晚飯。
從來都是金記西湯羅宋勁出色,這裡沒有跌watt之餘, 中湯也有良好表現,老火過屋企,又冇乜味精。
最後來多個蒜茸西蘭花,平衝一下今晚的膽固醇。
金記另外最出名係懷舊1967特色飲品,這個白雪公主, 係雲呢拿雪碧,跟餐只係十三,一支雪碧俾你,咁平,係邊度搵。
吃左咁多海鮮,連加工飲野都係百幾一個人,那吸引度絕對很高, 平時我覺得鴨脷洲街市都叫平,呢度更平,不過味道當然冇咁出色, 但大西北的朋友,如果唔想食三聖,呢度都係一個不錯的選擇。
金記冰室
荃灣川龍街118號百悅坊地下及一樓
沒有留言:
發佈留言