大概大家都慣咗買外賣，雖然而家夜晚可以出返街食飯，但為左抗疫，有時盡量都買外賣就算。
特別係酒店嘅外賣，平過係餐廳食好多，今日就試屋企附近嘅SAV Hotel。
試過之前呢間餐廳嘅中菜，反而西餐未食過，有朋友話係呢度飲酒食少少美式小食不錯，於是就咁決定。
一人雙拼套餐，有前菜有主菜有飲品，$178，飲品可以揀酒同汽水，外賣嘅時候見呢度嘅酒都幾多元化。
不過有一樣野要講就喺呢度打電話叫外賣嘅員工態度麻麻地，但當我上到去嘅時候，發現原來佢唔係香港人，我就覺得都合理嘅，都唔追究了。
叫了三個餐第一個餐係墨西哥玉米片，nachos 加3款自家製經典醬汁，當場食就一流，送酒最佳，nachos脆得不行，正。
水牛城嘅雞翼味道幾好，辣到適中，而且雞翼十分大隻。
一人餐前菜選擇最健康嘅係凱撒沙律，我哋當然不能錯過。
主菜有五個俾你揀，其中兩個係呢度最出名嘅牛肉漢堡同手撕豬肉熱狗，不過因為當晚晚飯都係想食主食，因此都係選擇意粉同意大利粉，仲有烤雞。
最精彩嘅係蕃茄帕瑪森芝士烤雞，勁好食，芝士鋪滿左成件雞上面，而且上面有好多香草，底下還有不少沙律菜。最正嘅係，最正係成件雞啖啖肉，一舊骨都冇。
香濃蕃茄自家製肉丸意粉，個肉丸大粒都一個點，好正，如果細食嘅人肯定會食唔晒，意粉正常水準。
黑松露野菌燴意大利飯，唔算太驚喜，但以西餐來講，個感覺算係接受到，當然沒有高級西餐廳嗰啲食完一鳴驚人嘅感覺，但簡單晚餐，不錯啦。
外賣都末日嘅日子，都不知幾時完，當然要試多啲唔同嘅選擇吧，如果住附近，紅磡黃埔食到悶悶地都可以揀下。
沒有留言:
發佈留言