2021年4月4日星期日

Paper moon: 假日最好就係brunch

五日假期過咗一半,大家今日又有乜嘢活動呢?
放假最好係brunch,雖然今日天黑黑,就分享下之前陽光普照嘅時候,係Paper moon食左一餐非常不錯嘅brunch。
無錯,又係今日一連三個post系列推薦1957 & Co旗下嘅餐廳,特約記者係戰地Paper Moon為大家報導,又係平靚正brunch嘅選擇。
呢個brunch offer逢星期六日同公眾假期都有,一點前還枱仲會有八折,有前菜有主菜有甜品,最重要freeflow紅白氣泡酒啤酒都有八折。HKD368一位未折,加1.5小時freeflow都係HKD99,11:30去食,一點走就啱啱好,好化算,場內好多人都係咁。
不如睇吓有咩嘢食,食之前送上的麵包水準高不能錯過。
前菜唔使揀,有海鮮拼盤同凍肉拼盤俾你選擇,基本上呢兩個前菜都食到你飽,好地道嘅意式海鮮,特別係個八爪魚加橄欖油,三文魚扒同吞拿魚他他都好精彩。凍肉方面,當然少不了parma ham,個人都是喜歡海鮮拼盤多啲。
主菜有不少薄餅同意粉嘅選擇,之前吃過記得香蒜橄欖油意粉同意大利辣肉腸茄子粗管粉都係好食嘅選擇,當天跟幾個朋友去,朋友就加錢叫咗新鮮龍蝦車厘茄羅勒意粉。
加得錢,質素當然有番咁上下,意粉水準一如以往不錯,同樓上Palco都近乎接近。
當然如果有興趣加多少少錢可以食烤海鮮拼盤同斧頭扒伴薯仔及蘆筍。
斧頭扒大份到基本上四個人食都可以,就算加錢都值得。
另外烤海鮮拼盤相對無咁搶鏡,但有龍蝦、八爪魚、帶子、青口再加sea bass,想吃嘅海鮮都應有盡有。
甜品點了雲呢拿奶凍伴芒果同朱古力蛋糕伴紅桑子都一如平常般精彩,值得推薦。
如果天氣唔係咁熱,坐外邊飲番杯香檳享受下陽光真係非常之寫意,假期吃brunch 大概就是這樣吧。
如果嚟緊兩日陽光好少少,不妨嚟呢度食個brunch啦?
Paper Moon 尖沙咀廣東道3-27號海港城海運大廈3樓OTE301號舖

沒有留言:

發佈留言