Amici：很遙遠的路

留意到呢間餐廳嘅原因，主因係朋友講過有間中環創意十足嘅法國餐廳，價錢不算貴，地點方便，最重要係爸得不錯，呢一兩條街，求其一間法國餐廳好似ecriture 同LPM，晚餐無兩千位你都唔使收科，令我出奇朋友話幾抵食嘅Amici到底葫入面買咩藥。

當然我一早已經知道佢嘅質素冇可能同米芝蓮星級餐廳比較，而呢個收費都應該都是一些港式處理嘅法國菜色彩，橫掂上星期又要去中環食飯，咁就不如實驗性質提議試吓。

平日上嚟，餐廳基本上只得幾台人，空間感十足，氣氛情調足夠，溝女真係一流，可惜這些機會不是我的。 呢度主力有唔同嘅set俾你叫，我當然選擇了一個入門嘅晚餐，較貴嘅龍蝦晚餐，如果有機會，下次先叫啦。

先送上麵包，正常有溫度，不算熱。

前菜的Japanese El Joir Sras Terrine係鳗魚鵝肝凍批，呢一個絕對係非常之創意又新穎嘅作品，應該未必個個識得欣賞，原來鳗魚同鵝肝，可以做到好朋友。

Black Truffle Baked Egg with Jberico Ham(36 months)以黑松露焗蛋配36個月黑毛豬火腿多士，就如平凡的鄰家女孩一樣有誰會不喜歡，黑松露焗蛋熱度十分夠，我覺得幾好，當然你唔好問我 L ‘envol 出品的好，還是這個好。

今日嘅精選餐湯係大蒜薯仔湯，忌廉味十分重，感覺比較杰身，味道可以，不過個湯上邊嘅餅乾就有少少大煞風景。

主菜選了煎香辣劍魚腩配粟米沙沙，用上刺身級嘅劍魚腩，非常肥美而且油份極高，配菜粟米沙沙口感非常特別，旁邊嘅薯仔煎炸得非常之脆，論創意同新奇程度，呢個絕對係吃過法國菜嘅數一數二嘅特別。

Roasted French Poussin with Citrus Cream Sauce相對低調，以焙燒法國春雞，加上清新香橙青檸忌廉汁，同剛剛嘅香辣劍魚腩相比，一清淡一濃烈，對比強烈。

隔離點的香烤阿根廷安格斯肉眼拼英式牛肉布甸看似10分漂亮，似乎都相當吸引，不過都係下次有機會再試吧。

甜品係燒焦糖班戟配蜜糖脆脆雪糕，正常野，冇乜嘢好講。

$428一個人，有前菜有湯有主菜，唔會係你超級驚喜嘅味道，或者這就是香港嘅特色吧，港式西餐法國餐嘅文化，其實可以有好大的想像空間，香港絕對需要又不斷嘗試嘅習作，才會有機會可以有更多廚師可以有機會發揮同創新吧，而距離成功，有時我們還要行很遠嘅路。

Amici 中環士丹利街11號Stanley 11 8樓