2021年9月13日星期一

飲茶: 私房菜新嘗試

來過中環的飲茶已經幾次,朋友介紹原來呢到夜晚做埋私房菜,仲要質素唔錯,二話不說就搵相熟經理試下。
四人就可以起行,又唔算難訂位,價錢又唔會係天價,地點方便,求其就可以搵到朋友一齊食,約左三個幾個月無見嘅朋友,試試個水準。
試完之後,基本上可以話係一個非常不錯的選擇,食物味道有水準,最重要個地方好好,當你求其去那些所謂嘅私房菜係唔係都收你七八百一位,有時仲要唔好食,呢到真心無投訴,最重要,維持飲茶一貫靚水準,好得。
先上場的小食,金沙魚皮同金沙蝦,已經有大場的氣派,肚餓的時候,特別好食。
飲茶有嘅係趣緻可愛嘅點心,就算私房菜都唔會失去佢嘅風格,就算一個簡單酸辣湯都有驚喜,酸辣湯金魚餃,可愛嘅金魚就係碗入面,倒了酸辣湯後,金魚餃就好似喺入邊暢泳一樣,入面有淡淡新鮮蝦肉,好好食,而且好食得來有強烈嘅餐廳風格。
古法茶燻雞就如仙女登場一樣,那股幽雅漂亮嘅氣勢,隨着煙燻嘅香煙緩緩升起,隨之而來係一股非常濃烈嘅茶葉香氣,我相信應該用上新鮮雞,因為肉質非常之鮮甜,而且成個菜式都做得剛好,呢個雞絕對係值回票價。
薑葱蟹炒腸粉,用上當日喺街市買黎嘅新鮮肉蟹,炒腸粉呢個配搭的確幾新穎,最好食反而係腸粉,因為沾上肉蟹嘅味道再加上其他薑蔥提煉而成嘅香氣,成為今晚一個好remarkable 嘅菜式。
吃慣蕃薯做午餐嘅我就知道,日本蕃薯雞湯浸芥菜絕對唔係求其之作,用上了特別鮮甜嘅金時蕃薯,加上當日嘅新鮮芥菜,個湯夾雜了兩樣蔬果特別鮮甜,最出色就當然係嗰個湯底,成碗點會唔飲晒。
另外好驚喜係陽江土鍋蜂飯,一開蓋已經有大量蔥同芫荽,最底層嘅係蠔,吃落去,一股濃郁嘅香氣沖上個鼻,如果你係熱愛沖同芫荽,一定會鍾意,如果你鍾意蠔,更加會食到停唔到口。
另外加多兩個點心,一籠八戒,係叉燒包,可愛又好食。
點心點多個睇住流奶,又有得玩又有得食,點會錯過,未來過的朋友,玩得特別高興。
鴿吞鳳梨係愛台灣嘅朋友話必點的,我自己並不好鳳梨酥,但佢地就吃得津津有味。
私房菜的甜品係初嚐禁果,用上apple crumble,做嘅方法係中式嘅點心,美觀程度令我個人覺得直逼8餐廳,吃下去都驚喜萬分。
整體菜式都好滿意,我已經再約腳下次。
飲茶 (南豐大廈) 中環德輔道中173號南豐大廈2樓1-2號舖

沒有留言:

發佈留言