White beard:可惜我不是尚氣爸爸

上次嚟嘅時候，因為星期五晚上太多人，最後叫咗外賣就算。

外賣左最出名嘅炸魚薯條，回到家吃才覺得驚為天人，然之後對呢間餐廳研究一下，先知原來呢間野咁出名。

星期日晚喺大館睇完夏日香港國際電影節，走過黎不用三分鐘，平時星期五晚的人頭湧湧，彷彿好像全部消失了。

先點了兩杯野飲下，一杯啤酒，一杯柚子sparkling。

最開心嘅係星期日嘅晚上非常之靜，可以欣賞餐廳嘅環境同埋擺設，如果你特別喜歡小眾indie，店內不停放的Tyson Yoshi同Madnoii，特別有感覺。

上次吃不到現煮嘅炸魚薯條，今次試到真章，同樣選了冬蔭功嘅味，同上次嘅評價一樣，絕對係城中最出色嘅炸魚薯條之一，炸魚熱辣辣做得更精彩，老婆對炸魚薯條特別有研究，以佢好快咁食完嘅速度就知道有幾好食。

我自己反而叫咗一個漢堡，用上中式bun，包上了和牛同mozzarella cheese，個漢堡包非常之大哥，但係牛肉嘅肉汁同熱騰騰嘅芝士加上中式bun配搭下，你絕對抗拒不了。

同當晚嘅職員傾開，我先知道原來呢間炸魚薯條就係前身係中環碼頭嗰間，唔怪得咁多人都識，當晚佢一個女士一腳踢又煮又收錢，非常快手。

呢啲功夫，絕對係呢頭嘅小店少見，更加令我想起重慶森林入面王菲係中環買炸魚薯條嘅小食檔，只可惜，我不是二十多年前尚氣的爸爸文武。

白鬍子炸魚薯條 中環蘇豪卑利街55號地下A號舖