丸め背脂煮干：初嘗香港背脂煮干

自從上次係東京吃過背脂煮干後，非常難忘，鐵定係酒後嘅最好朋友，那種令人難以忘懷的麻甩味，絕對係人間美味。

香港偶然都會有拉麵店推出背脂煮干，但每次都係限定之作，一動身就promotion 完結，但今次終於唔係限定版，因為主力係食背脂煮干。

東京人氣拉麵名店「丸め背脂煮干」正式登陸香港，為首間海外分店，見到就已經好想試，呢個下午，一個人吃個late lunch。

為左令拉麵條不易冷卻，背脂煮干湯頭用上了濃厚的豬背脂油，目的是保持著拉麵溫度，後來逐漸成為新潟縣燕市與三条拉麵的特色，因此會稱為「燕三条系拉麵」。

用上特選的豚骨、豬背脂及沙丁魚乾熬出「煮干」，再加上指定日本醬油來造成的湯底，叫你所有宿醉驅走。

香港分店應該仲係試業階段，目前只限量提供特製背脂煮干拉麵，當日仲未有特製背脂煮干沾麵，於是選了拉麵同正常「背脂」的份量。如果你食得重口味，仲有脂増２倍，鬼脂約３倍，及脂地獄足足4倍令湯底更為濃郁。

上枱一刻，試口湯底，真心好麻甩同濃烈，不過同Ngai的東京店對比，我覺得有少少分別。

麵條的確好粗，掛湯一流，幾有咬口。

叉燒就幾肥，流心蛋一流，本身每碗都附上一隻，千祈唔好好似我咁戇居叫多咗一隻。

由於太肚餓，叫多個餃子，不過不失的感覺。

的確，如果你懷念呢啲咁麻甩嘅味道，呢間絕對係不二之選，但老實說味道沒有像東京食過一樣令人深刻，唔知係未夠穩定定係仲係磨合階段，如果想吃一碗令你感動的拉麵，應該還未夠力吧。

丸目背脂煮干 香港店 旺角通菜街74號地舖