有些人物,見多一次也不想有機會。
大約是一年前吧,記得上次見個一個同事, 話說他調department ,結果來這舉辦farewell飯局, 基本上這個同事是與世界為敵, 或者就如長期要戴著保濕面膜般因同事經常抽水抽乾, 是故他俾錢搞farewell在我工作地點在上環而farewe ll 選址在這個擺花街似走高檔路線的JAR just a restaurant, 我是有點驚奇的,可能他怕無人去, 可能他怕我們在另一個department 唱衰佢所以請我地食餐好, 可能他想以高格調的餐廳來掩飾他想落藥令我們集體中毒的目標, 以發洩其心頭之恨....可能是我想得太多了...
結果我上次沒有去,那個同事我也沒有再見,那次的飯局, 朋友只是說普通云云,沒有什麼特別,結果我更加沒有可惜, 不過自從那次以後,我覺得我福爾摩斯的頭腦大概想得太多, 想得太遠...在沒有想過回頭吃這餐廳, 今天竟有機會來這裡晚飯,先上網做功課,發現好像比之前有進步, 於是便二話不說來到。
餐廳在二樓,地方很大,有open kitchen ,看看餐牌,價錢不太貴,最最最重要開白酒紅酒香檳都是平得很, 如果你想扮ifc 張智霖葉朗程開酒食飯溝女仲要約係擺花街附近的地段,上有酒店, 下有酒吧,大約這是錯不了的選擇,飲醉番唔到屋企就係酒店訓吧。
這間西班牙餐廳走semi fine dining 的路線,很多tapas 的價錢相宜,因此我地一大班人食左好多,試左好多。
Garlic bread with tomato ,蒜蓉包香脆而煙韌,配和濃郁而大大舊的蕃茄蓉,甜美而配合, 一冷一熱如冰火般水乳交融,是很開胃的tapas 。
Octopus leg ,賣相相當精美,八爪魚切得幼細,配合大量炸蒜, 還有酸酸甜甜的汁,非常醒神,加上蕃茄仔和雜菜,好味道。
Classic Cesar ,雖然名字是經典既代表,凱撒沙律係西式類菜式愛將, 那裡都是你,不過這裡配上的是煙三文魚,平時吃的是煙肉, 但今換了另一個主角,煙三文魚香味四射,入口有甘甜的感覺, 加上其自製的Cesar 汁,不得了。另外一個shrimp salad 都係不錯的選擇,特別係蝦又新鮮又清爽,大大隻,加上生菜, 磨菇和芝士的混合下,味道比平凡的外表相距很遠。
Manila clams, 香草和白酒做base煮呢個很少在外邊見到的馬尼拉蜆, 每次吃這些蜆我都會先飲個湯試味,一試便知龍與鳳, 當然這個不負所望,淡淡的酒充實香草的配對得出色,蜆肉肥美, 加上麵包沾上其蜆汁,是另一個出色的菜式。
Chilli garlic prawn,剛剛吃完沙律的蝦都知呢道既海鮮類不錯, 咁當然叫番過西班牙最有名既小食蒜片蝦, 味道一如剛剛既蝦一樣咁出色,唔駛多講,必叫。
slice beef with garlic ,相信喜歡重口味如蒜頭般如我一定好高興, 滿滿的炸蒜片滿佈在一塊塊牛肉上,牛肉加上橄欖油同蒜片, 無敵組合,簡單的牛肉不用三言兩語就提高到另一層次。
Seafood bisque,吃完tapas 來個湯做interval 吧。外表精美,70蚊一碗但已經係兩個人份量, 海鮮湯濃濃的味滿佈碗的任何一個角落,這應該是我在su Casa 外另一個喜歡的海鮮湯之一,不過一碗真的係二人份量, 如果兩個人吃,親密少少,share 好了。
Fried cheese 大大舊,我咁肥真係唔想食太多,係好食但較為油膩, 幸好有蕃茄在伴解放不少油膩, 最後我吃完了大部分的蕃茄卻吃不完那舊芝士。
然後就打大佬了,roasted suckling pig ,一來已經香氣撲鼻,一如西班牙菜做這個必定出色, 這裡也不例外,皮chop chop 聲咁鬆脆,油份不高,但那個豬肉的香,實在充滿係舊豬肉中, 這個可以說是必吃的菜式。
Seafood paella ,吃西班牙菜點少得海鮮飯呢,大大隻的蝦加上青口,大蜆等, 海鮮都係新鮮無比,特別係蝦仲要用芝士焗過, 海鮮飯的質素不是平常好濕個種,反而係較為乾身,兩三下就吃完, 於是再試試另一個paella , mixed mushroom paella , 這個更為好味,清新的各種不同菇類混合於飯中, 最欣喜的係吃完咁多肉類後有多種既菜類清清腸胃。相對來說, 我還是喜歡磨菇海鮮飯多一點,可能今晚海鮮吃得太多, 簡單就是美。
Linguini shrimp,是我今晚最喜歡的一個主角,雖然又係蝦, 但今次的蝦沒有什麼特別調味,藍蝦的質素非常鮮豔,爽口, 沒有如海鮮飯用不同的汁來主調, 簡單用蒜和橄欖油這兩個最佳拍檔來煮呢個扁幼麵, 麵質應該是自家製,因那texture 令我想起了Jamie Italian 那些意粉,扁身的幼麵裡包含了蝦的鮮味, 橄欖油的香和蒜的狂或野,這個絕對是今晚的壓卷之作。
吃完咁多,其實肚已經再沒有多餘位置, 不過朋友說這裡的甜品做得精美,於是便點一兩個來吃。cream brûlée ,是我最鍾愛的甜品之一,這裡當然是合乎水準, 不過驚喜的是bread pudding ,焗得鬆化,味道香而入口完全不會覺得太甜或太膩, 我不太熱衷甜品,但這個也為我帶來驚喜。
非常滿意的一餐,配合sparking wine 的微酒精影響,在中環看夜色特別動人, 可惜的是今晚不是如另外一枱男孩一樣與美相伴, 唔係再飲野直落真係好方便,不過呢個餐廳已經是我的check list 之一。幸好,第一次不是你,如果那次我來farewell 同事,大概我會錯過一間咁精彩既西班牙餐廳。 我的同事經我推薦後去左,不約而同都覺得這裡環境一流, 係溝女既兵家必爭之地,環境有軍事優勢,食物酒精等糧倉又出色, 各位兵家如果你們遇上了第一次不是你咁靚女的蔣家旻, 請你用盡所有方法約佢帶佢黎啦。
JAR Just-a-Restaurant
中環擺花街8號2樓
tel:25438000
沒有留言:
發佈留言