和你慶...周年紀念

師奶A說準備了一個周年紀念派對，A先生是很好奇，這幾十年來，也沒有準備過什麼慶祝。

然後，我們這些朋友竟然也在席上，問番A先生，佢更加好奇。

最好奇，全人類到齊，師奶A好神秘咁話，今晚我地周年紀念，好高興，請大家食飯。

素來，師奶A精打細算，邊會咁好，仲要去一間不錯的火鍋店，龍閣。

之後佢話，全晚佢包，唔俾我地叫。

於是，和你慶周年紀念活動就此展開，我地抱著勁驚訝的態度開始吃飯。

椰子走地雞煲，加上八角，青檸和辣椒，半隻雞加上那香清幽的椰子香，就是吃雞也感受到到那鮮甜，夏天吃這種清新的煲，和冬瓜煲有異曲同工之妙。

師奶A神神秘秘的驚喜:佢沾沾話:edward ，你食家，今晚食完話我知，正唔正先。

然後，是牛肉瘋狂派台，同家有喜事每個新年瘋狂looping 一樣，成枱都係牛肉。

招牌手切肥牛，外貌似牛頸脊般，牛味勁濃，有咬口，每啖都是牛魔王的氣勢，原來只係六十蚊碟。

天啊，點解可以咁平，師奶A竟為我們叫了四碟。

雪花牛柳粒，三十八蚊，八粒大大粒，食到你嘔，最重要不是將貨就價，粒粒勁靚，每粒都是有一定的份量。

過份到我們兩個人一碟，平常在外邊最少二百蚊，我稱之為驚嘆。

然後最過份的係呢個拼盤，尚級牛盛拼盤，有肥牛，牛粒，牛展，牛舌，我只可以講，牛，全部都係牛，我立刻想唱番首阿牛。

牛舌牛展都是不錯的質素，當然最好是牛肉和牛粒，但得人驚係呢個拼盤只係六十六。

到而家先知，原來係因為呢間餐廳，龍閣兩周年紀念，全部牛兩折，所以，我地食牛食到咁瘋癲。

食牛食到驚，你試過未，A先生這周年紀念也真驚喜，一路佢咁鐘意食牛，真係姣婆遇上脂粉客一言中的。

不過，其他配料都好有驚喜，首推午餐肉，塊塊煎過，不用打邊爐，就咁食炸豬仔嘜的午餐肉，最滿足。

鮮腐竹也是不錯，又係大碟抵食。

松露帶子餃是驚喜，裡面的帶子和松露香，在薄薄的皮下，其美味完全係你口中表演一樣。

見餃好吃對辦，再加添一個花膠翅餃，同樣美妙。

曄，鮮魚標，質素新鮮到不得了，要小心，會在湯中爆炸，可見其魚標鮮到像剛剛從魚身拿出來一樣。

花膠片，幫你的湯加不少分，放入口中也不錯。

原味滑三弄，有蝦滑，墨魚，鯪魚滑，全部手打每啖都有心有力，特別喜歡蝦滑中有馬蹄，小巧又很可愛爽滑。

最後送個稻庭烏冬，成一個完美句號，同他們的愛情故事一樣，幸福美滿。

原來，師奶A話，佢食左一次好平覺得非常抵食，想將呢個咁平嘅送俾老公做周年紀念禮物，再介紹俾我地，簡直有中國獨樂樂不如眾樂樂的大愛。

講到呢度，我地幾個朋友都幾條冷汗，不過，真係平，真係抵食，係不錯的推薦。

最奇怪，感覺最深刻的應該是A先生。

我不明的是，A先生會怎樣想，會自滿有個咁精打細算的太太，還是不快有個令人顏汗可能出醜的另一半呢。

我可能冇乜感覺，但我謹祝他們和龍閣周年紀念快樂。

龍閣極上火鍋料理 

紅磡黃埔花園第四期地下G4號舖