寫海鮮寫得多,寫自助餐寫得多,寫牛扒寫得多, 你應該很少見我寫素食,因為好少同朋友食飯會揀素食。
今日難得有幾個朋友聚首一堂,然後大家都覺得近來吃得太多, 不如清清地試下吃素食吧?
F先生的提議,我們當然全數接納。
銅鑼灣日本野,拉麵就多,素菜的選擇並不是太多。 我們選擇了非常有名的大自然素食,八點多上到去,依然高朋滿座, 原來香港人不是一味的食肉獸,愛素食的,也大有人在。
先上場的係法式牛油果多士, 你不會想像到這件咁吸引嘅多士會來自這個吃素的地方, 一上枱的那刻,香噴噴到一個點,連隔離枱都會望過來, 下層係滿新鮮嘅牛油果醬,上層是焗到非常吸引的外層, 麵包大件又脆,好吃得很。
看到芫荽麻香黃金溏心皮蛋我便會想起譚仔, 當然這裏的皮蛋更勝譚仔,大量的芫荽令其皮蛋的香味更突出, 溏心的效果絕對係譚仔做不到的,而且其麻香又麻又有點辣, 非常引人入勝。
迷你叉燒包,又係大大個勁飽滿的樣子, 不知為何我會想起麥記那些鍋貼和生煎包,味道一樣咁好, 當然呢度主打不是肉。
我完全不會想像到食素食的鋪頭會有一個部份主打食壽司, 今晚有可愛的玉子壽司,妹妹吃到如痴如醉,全碟清晒, 在一件也沒有吃的情況下,我估應該幾好食嘅。
士多啤梨骨係少女心嘅I小姐推薦, 好適合佢嘅style,同佢個人一樣咁靚,酸酸甜甜非常開胃, 扮骨的依舊係菇類,女士會必點的菜式。
人人都叫呢個原盅竹笙素翅燉椰皇,熱辣辣一盎上, 足料是必然的事情,每口湯都甘甜的感覺, 竹笙的清新和椰皇的甜美,是令人滿意得很的。
雖然全晚都係食素食,但象徵式都要叫個菜, 瑤柱金菇扒西蘭花絕對無扮演任何角色,完全同一個味道, 最喜歡瑤柱勁多,個汁又得,不會太過鹹,係認真健康的美食。
我反倒最喜歡意式肉醬意粉, 可能童心未泯的關係,對肉醬意粉是有種執迷,那味覺當然比7- 11和大家樂的好(我知道我唔應該攞呢兩間店來比較, 但我覺得最好味的肉醬意粉就係呢度),而且吃來非常健康, 尤其喜歡新鮮的茄香。
最尾聲吃的甜品,腰果露又滑又香,有番下皇仁出產嘅水準, 不會太甜而味道剛巧適中,絕對是驚喜。
當你有時覺得吃得太多肉,吃滯了,素食絕對令你會覺得清新一點, 就如今晚回到家,快樂不止是吃的滿足,還有心靈上的滿足。
沒有留言:
發佈留言