大家都知道銅鑼灣食廚師發辦多如天上繁星，新開要突圍而出，應該唔容易，近來吃過雖然不多，但吃過深刻的，呢間係其中之一。
位於謝斐道一座新的商業大廈，藏呢個名字，未吃已經是先聲奪人，好容易令聽過嘅人都會記得。
簡潔的裝修，寬敞的空間，而且樓底高，都叫人覺得賽車你吃餐廚師發板會係一件很pleasant 的事情。
店方有多種不同的set，有多有少，不過我們胃口大又為食的，當然要吃豪點，煲個大少少嘅set，這個名叫幸福的set，應該是最多元化和令人滿足的，就叫這個吧。
幸福，係香港人都想，昨天到街上表達意見的，都希望香港會幸福，就這樣簡單。
當晚咁開心，還有見到久未見面的靚女K小姐和一班食友，飲番杯當然合理，選了這𥚃的house sake，清新而細膩，絕對適合淺嘗。
首先上場的是平政魚，酸汁碰上的白身魚，很好的balance，淡淡的酸味和剛剛飲的清酒，完全打開你嘅味蕾同埋增加開胃感。
突然就是珍貴的鮑魚，旁邊是你意想不到的烏冬，我還以為是魷魚，用上鮑魚干醬，鮑魚的柔軟度就好比那些奧運高手，絕對叫你難忘，如果有得俾分，毫無疑問俾10分佢，雖然可能是簡單的側手翻，但也深刻。
然後吃的是帆立貝和螺片，兩個相同的世界，會不會一定合拍？兩個同樣係貝殼類的食物，相信好難唔會夾，各有各美好，而且今晚兩個食物都是簡單無添加，走fancl路線，從來都是叫人迷倒，就如沒有脂粉的女孩。
今年沒有點樣吃過沙甸魚，以手卷包裝但還是叫人吃出到那突出嘅鮮味，沙甸魚嘅獨特性而且喺香港都唔係成日有得食，如果要說缺點，我會覺得應該要吃軍艦，然之後佈滿勁多嘅沙甸魚先會滿足。
鰹魚的出現很美麗，裝飾就如花藝一樣，鰹魚味道相對可能冇頭先幾個咁搶鏡，但係外觀夠靚，不知怎的我就想起了台北的魚道生。
大拖的出現，就如明星一樣，個個都會攞起相機要拍照，簡單的加上紫菜和紫蘇葉，強勁無敵的魚油香和肥美在口中爆發出來，有咩人會唔鍾意呢個菜式，我真係諗唔到，我想打趣說，k小姐就如大拖，也不足為過，不過還是避免這樣口花，口花呢啲嘢都係留返又後生又靚仔嘅人做，我還是好好享受我的拖羅。
聽名字會覺得蟹肉百合饅頭這個名字，好中式，也好奇師傅會怎樣處理這一個菜式，蟹肉包裝得好可愛，雖然吃落去唔係好特別，但作為一個間場和暖身的菜式都不錯。
如說最美中不足的對方，刺身和壽司分水嶺的熱食，龍蝦牛油燒是今晚相對最不搶眼的，但龍蝦本身質地是不差，咬下去絕對是爽口彈牙，牛油香夠搶夠味，而最突出嘅係側邊一隻蟹仔，搶鏡得來又可愛。
北寄貝壽司，燒過後的輕煙就如淡淡的煙薰一樣香，味道清新而不重，北寄貝的爽口更加是叫人迷人得一陣陣。
秋冬吃kinki是常識吧，這個絕對叫人愛上的一道美味，油香魚味又重又濃，基本上無論點樣整，任何調味都係我最愛嘅菜式之一。
牡丹蝦加上蝦膏，這個能把你靈魂也會賣掉的美味，我相信不用多說吧，淨係睇相已經知道牡丹蝦有幾肥美。
又有拖羅，一而再，味道在下一城，調味和香氣都一流。當然，剛才的美和壽司的靚，完全是不同的調子。
另一個高潮，當然是海膽，來自北海道嘅海膽，濃郁而可有強勁餘韻，不用多說的快感，吃到這裏走一轉呢個餐嘅名字一樣，唱一首幸福之歌。
尾聲來到，師傳準備的呑拿魚手卷，加上精彩調味和多如天上繁星嘅吞拿魚茸，無得頂。
松茸魚湯，清甜的作結，淡淡然的愛。
靜岡蜜瓜作尾聲，那鮮甜去開油麻地果欄大家應該很熟悉，還有小小的千層糕，就算甜品也顯出心思。
整體的水準也高，叫人想到了台北高檔廚師發辦的水準，特別是serve 我們的KC師傳，看童顏的他以為好後生，但原來有多年勁brand的經驗，就如我身旁的K小姐般，越做越好。除咗靚，重要叻，真正人生的幸福之歌。
沒有留言:
發佈留言