Whisky speakeasy: 威士忌迷的期間限定

香港whisky bar數量從來不多，如果你喜歡whisky，日日和台北的種類和形式應該勝過香港十倍，香港總是找不到個好地方和朋友靜靜飲番杯whisky 。

文化、酒税、租金的因素都有，我們總要到外地才瘋狂飲whisky ，還記得上星期和朋友飲HH，尖沙咀一間動物名bar，一杯macallan 12，索價$96，加冰後淡如水。

上星期瓜爺和E先生各自介紹了這個pop up whisky speakeasy ，有海景有靚酒有得玩，價錢應該香港最平，男人來到以為自己係James Bond 拍緊casino royale，在場也有女人盛裝出席，造型像邦女郎Eva green。

由12月14到22日，在灣仔告士打道219號尚滙的45樓私人會所，有接待員會俾密碼你，來到這個香港少見非常成功的speakeasy。

主角是glenfiddich，12/15/18/21/30都有，索價由一杯$40到$100，女士不好剩飲威士忌，還有signature highball。

你叫一杯whisky就會自然送籌碼，$20消費有$10俾你試運氣。

呢到有輪盤同21點玩，在場大部份嘅男人都玩得好開心，雖然唔係賭身家，在場嘅氣氛同銀河一樣咁吸引。

講番主角，如果你時間早，一定要飲30年，十點去到，已經賣晒30年。

18同21價錢都唔貴都好值得飲。

反而我試咗highball就有啲淡，如果你要求唔係好高，高其實嚟緊一杯12或者15，更化算。

不過呢度嘅環境真係好靚，望住寬闊嘅維港景，飲一杯真係非常心曠神怡。

你贏咗嘅籌碼，更加可以抽獎，贏嘅當然係威士忌。

不過，最重要過足癮，睇下我個朋友，玩到賭神咁。

和朋友b先生玩咗一個鐘，傾計一個鐘，快樂兩小時都只係兩舊水到，飲咗兩杯18同一杯highball。

因此我非常推介這個地方，仲有兩日，如果你愛威士忌絕對值得過嚟玩下。

不過時間要早，因為嚟到一定唔可以錯過30年。

唯一嘅唔好處係12點就要閂門，極有可能飲得不夠痛快。