我承認，太遲了。
係我的飲食朋友圈裡，應該大部份人也吃過這個雪糕，K11 Musea也已經成為舊新聞，我卻還未食過這間雪糕，絕對有違潮流。
一直以來想找個機會來食雪糕，可惜一直拖拖拖。
或許是我不好甜吃的關係，但係當我知道這裏出咗榴槤雪糕的時候，我也不猶豫，立即過來試試。
當晚來到，自然是人頭湧湧。
第一杯當然要吃最潮嘅榴槤雪糕，如果你係榴槤嘅fans你冇可能會唔鍾意食，每一啖都好似係咁榴槤嘅質感一樣，味道濃郁的，由店員攞俾你那刻已經充滿期待。
另外當然也不能錯過，這裏最經典的味道火龍果，配上芒果，加上黑色的cone，那經典就如Levi501一樣，味道當然是好得毋庸置疑。
剛巧在這裏見到幾個朋友，人多好辦事可以吃多幾樣野。
食埋開心果雪糕，對比之前嗰幾隻味，呢個相對係小眾口味，喜愛的自然喜愛，不喜愛的應該覺得麻麻。
我們還吃了這裏的心太軟，分別有班蘭口味和鹹蛋黃，我相對喜歡後者，完全好似食緊大排檔小炒咁嘅口感，但係你又擺明食緊甜品。
另外你意想不到這裏竟然有湯品選擇，蟲草花合桃腰果粟米甘筍湯，如果你唔喜歡食甜野，為咗陪女朋友老婆，我好建議飲一碗湯滋潤吓。
這裏也有不少鹹吃嘅選擇，當日朋友選吃左個韓式roll同地瓜薯條，我還要趕下場吃晚飯，所以吃不了太多，但朋友都話好食。
你見到呢到多元嘅選擇，你可以想像呢度基本上所有任何男女老幼歡迎，特別如果你喜歡個雪糕，絕對值得來試。
雖然我遲到吃到這美味，但之後我肯定好快會再來。
至少今次我只是獨自來吃，愛雪糕的太太還未試過。
沒有留言:
發佈留言