當身邊朋友個個都食竹日本料理，我諗呢個優惠都唔駛我寫啦，周街都有人講，訂位都爆哂，駛乜我寫，最多俾啲相分享下我有當日有乜食。
我就反潮流，食下1957旗下另一間餐廳，銅鑼灣的安南。
靚媽H係FB話post左呢個優惠後，從來未食過安南嘅我即刻book位，難得有機會，呢個group 嘅餐廳，係差呢間未去，比起平時嘅價錢，呢個價可以話係超值。
當有返堂食之後嘅呢個週末，立即去訂枱，快食快番屋企，一個星期只比一個quota自己出街食。
呢個Signature Indochine Set ，兩人用，每日11:30到18:00提供，$298，買一送一，另原價加一，以安南本身嘅價錢，平時真係要至少三百幾一個。
不過我發生咗個意外，所以想提咁多位讀者，記得淨係銅鑼灣分店先有呢個優惠，記得淨係銅鑼灣分店先有呢個優惠。
首先我想講間餐廳真係幾靚，同你去開嘅越南餐廳好唔同呢，走的是高格調路線。
服務不錯，我地坐私人房間，感覺幾好。
先講個餐單，前菜有兩個安南春卷同越式蒸粉卷，加件小型紮肉，仲要位上，好過份，食百幾一位都有咁嘅質素同服務，想點。
個人最愛脆脆的安南春卷。
湯就係安南椰青大蜆，大蜆又大隻又靚固然之，個湯勁好飲，辣辣地加上了lemongrass，勁適合夏天飲。
主菜係安南蜜汁燒雞，有六件大燒雞，勁大舊又燒得勁嫩滑，蜜汁調校得剛剛好，又唔會搶咗雞嘅鮮味，仲有四塊勁大嘅蝦片。
馬拉盞炒通菜係唯一弱點，唔係炒得唔好食，而係太過多油。
安南牛肉湯河粉當然係主角，唔止牛肉，仲有其他牛腱部位等，湯頭不錯，當然無springfield個種濃，但清新不油，河粉也是水準以上。
甜品本身係招牌椰子雪糕，但無貨，換來嘅係無花果同花生，兩個也不錯，係上佳的品質。
最後要讚嘅係呢度嘅滴漏咖啡，由於同家人分枱，我無影相，但係一定係我在香港飲過三甲之一。
呢個餐只限堂食，必須二人食飯才方可享用買一送一優惠，加一務費以原價計算係常識。
每位不計飲品一百八十，我諗你係街邊求其一間普通越南餐廳都冇咁抵食。
如果你呢個星期只有一個quota ，來這就一定沒有錯。
PS好羨慕H小姐可以成日食呢個group嘅餐廳，呢間安南，真心喜歡。
沒有留言:
發佈留言