2020年8月11日星期二

蕃茄仔:黃色的蕃茄

聽過呢間店一段時間,收到不少好評,也不知道原來正正係以前京都班戟的所在地。

蕃茄仔 ,同深水埗嘅番茄師兄一樣,以一心一意做好蕃茄湯底做主題。


Red Object ,你應該明白名字背後的意思,唔明嘅,我都唔需要再解釋,大個道不同不相為謀。


object 來做主打,當然引來一班人來朝聖。


番工時間,見完客,一個人來食飯,可以快食完快走。


不過下午兩點,都要排隊,可見呢個經濟圈嘅消費力幾強。


冇辦法,舖頭唔大,而且餐廳都算係慢工出細貨。


餐牌非常之簡單,同日本的小店一樣,選擇精挑細選,最搶眼的,當然是以自家鮮茄濃湯底作主角




主角有多種,例如雞扒、牛腩、牛魔王、鰻魚、豬扒、豬手、豚肉、鴨,應有盡有,隨你喜歡乜嘢主菜。



主食方面你可以選擇選上海麵、刀削麵、米粉、烏冬,特別的有和風白麵和葛絲。


以電子點餐,係呢個時候,顯得非常之方便而且衛生。



我選擇了牛魔王雙拼,已牛腩和牛肉為主角,加上了鮮淮山同嫩肉雞胸。



飲品相對來講冇乜特別,我只要了有氣的凍飲品,配合勁熱天氣。



先試試個湯,鮮茄嘅濃度以新店來說,非常不錯。



反而覺得最正嘅係個鮮淮山,吸盡蕃茄湯嘅味道。


牛肉和牛腩都幾好,雖然冇像番茄師兄以閹牛做主角,但牛味還是很濃,特別愛那肥得正好嘅牛腩。




嫩肉雞胸煎得非常之香,啱晒減肥嘅人食。




烏冬同個番茄湯可以話係融為一體,我只覺得太細碗。





最後,當然成個湯都飲哂。


不用半小時,便交返張枱,大熱天時都唔想其他食客要咁耐排隊。



如果要說一個弱點,我相信是菜式選擇唔係好多,不過以首店來講,佢仲穩定過當時剛剛喺深水埗開嘅蕃茄師兄。


呢啲舖頭,真係要好好支持,特別係呢啲咁辛苦嘅環境。


如果你喜歡番茄師兄,我覺得支持下同路黃色的嘅蕃茄仔也不錯。


蕃茄仔 
銅鑼灣希雲街5號地舖

沒有留言:

發佈留言