如果你想打一個星期邊爐 (2)

記得十二月中其中一天寒冷得要命，大班愛好滾滾紅塵的朋友約打邊爐，約了一間期待已久的地方，江南庭敘。

上年年中本身有機會來吃，可惜自己太慢，因工作關係出席不了朋友的生日火鍋派對，當日個個說好，無一不喜歡。

幸好今天把握機會試到呢到出色嘅出品，所以係寒冬如果選幾間最好的打邊爐點，呢個係近期頭三位。

係九龍灣應該冇乜出色火鍋店，呢到正正補償到呢個缺口，剩係火鍋湯底已經十分多元化，最喜歡簡單直接的沙爹湯底，另外的蕃茄排骨，也是人見人愛的選擇。

如果愛辣，另一個麻辣鍋都不錯。

前菜小吃炸豬手，雞翼和鯪魚球雖然簡單，但也叫人吃得津津樂道。

我最愛的刺身，象拔蚌實在是叫人吃不停口的，最喜歡呢種條狀切法，口感一流。

當晚叫了幾種海鮮，其中海蝦看樣子都知道絕對新鮮，食落彈牙，配合蕃茄湯是絕佳配搭。

另外的沙巴龍躉切片後，每塊都是厚度適中，肥質滑而味濃，打邊爐咁食法絕對是高享受。

成日講打邊爐最蠢就係食丸類和餃類，但出色的邊爐店一定要有自家做特別而又好味的品種才叫人蠢也要吃才特別，四寶丸，海膽餃，韮菜餃都是不錯，特別是海膽餃味道特別而少見，別見冇咁易找到。

豬拼盤中的選擇多，由豬脷到頸到腩位，你喜愛邊樣就食邊樣，最推薦係豬脷，拜神食得多，打邊邊食你又試過未。

當然少不了手切肥牛和同樣面面俱全的牛拼盤，絕對是愛牛者的佳音，當中的頸脊，牛展和白肉，令人愛不釋手。

要治本重口味當然要叫鵝腸，略帶肥肥的色彩是愛鵝腸的最好選擇。

雲呑和菜是平凡一點，但全因其他菜式太過出色。

最後的腐皮磚，聽過名都知勁，咁特別我呢啲愛腐皮的人又怎會不推薦呢。

尾聲來個甜品，精美到不行，就如這高銀金融中心的其他餐廳，全都是價錢合理而又高水準的餐廳。

如果你想打一個星期邊爐，有絕佳清靜的位置，又新鮮又好的火鍋料和湯底，一班人可以坐得舒適食得好，絕對是大家可以呢幾日寒冬考慮的其中一個絕佳聚腳地點。

江南庭敘 

九龍灣啟祥道17號高銀金融國際中心1樓