因此每逢有人想食海鮮,我會提議去三聖食,每次我都不會失望, 每次我都會吃得滿載而歸,每次我都會有新發現。
今次又係下午過黎食海鮮,和D氏夫婦聚下, 大家都是喜歡海鮮之人,最好嘅節目,就係食海鮮。
今日冇三聖名菜九節蝦,於是便吃最基本的白灼基圍蝦,加工一點也不貴,蝦肉新鮮又做得好,蝦頭不能放過,蝦膏四濺。
每次都不會錯過這裡的象拔蚌刺身兩食,用湯輕灼一下, 那鮮甜動人的美,我相信韓愈食完都會話不能言傳。
不知是否人工智能厲害到這地步,吃到一半,蘋果日報突然有條li nk彈出來,推薦泰海鮮的忌廉煮花甲配烏冬, 然後未吃過的女友話:我好想食呢個。於是大家一致說好, 忌廉花甲當然係濃郁四射,配烏冬吃是一流,f先生話識食一定要送 飯,我吃過兩啖後再也不能拒絕,叫了兩碗白飯才收手。
今日另一目的,係阿拉斯加長腳蟹二食,五斤的大蟹做出兩碟主菜, 清蒸阿拉斯加長腳蟹蟹腳和花雕蛋白蒸阿拉斯加長腳蟹蓋。
清蒸阿拉斯加長腳蟹蟹腳不用多說,有幾多可以食幾多, 條條都大條到不能自拔, 我想女孩最能會明白到我點解說會不能自拔。
花雕蛋白蒸阿拉斯加長腳蟹蓋,又係送飯佳品,花雕的香注入蛋白, 加上蟹的膏,令人忘記膽固醇為何物。
F先生推薦的必屬良品,佢話必吃豬扒,我們當然照單全收, 連上面洋蔥炸魚仔也不放過。
最後結尾沒有炒粉麵,但單尾都串過人食豉椒蟶子皇配煎米粉底, 豉椒入味到底,蟶子皇當然是條條堅過石堅咁粗壯, 加上脆到爆烈的煎米粉,這樣的下午,舌頭享受著非一般快樂。
吃到這樣都是幾百蚊的價錢,這個價, 你係其他幾個以食海鮮為主的地方絕對做不了, 難怪我每次都會和不同的朋友來,每次都有新鮮感。
最強就是最強,下次期望再來吃那舊朋友, 非常懷念九節蝦的鮮甜美味....
泰海鮮
屯門三聖街6號三聖商場地下5-8及14-16舖
沒有留言:
發佈留言