網紅推薦的好處

常說不進則退，這適用於任何一個以飲食為主的網絡，你要用網絡的力量令你的餐廳變紅，非常簡單，以文字推介已經不是最好的機會。

一個三十多萬fans的Facebook page推介了這個神級的沙爹牛肉麵為安寧路帶來一絲騷動，今個星期元朗最紅的時間例如不是嘉麗園，不是勝利牛丸，不是盤菜，也不是海膽杯，主角係市井的沙嗲牛肉麵。 

說明網紅當然是因這段片而排長龍到不行，下午三點，人多到不行，大家都為了來朝聖。

剛巧有機會來到元朗，有時間點可以不試試，睇下有幾特別會令佢地入黎試完又覺得好食而推薦。

坐下便要杯熱奶茶，說真，茶餐廳入門試必修課，是可以的，茶味夠，唯不夠滑。

和孟飛兩個麻甩佬來吃，可以試吃其他的，點知佢叫了雙腸加蛋呢個咁惹人暇想的食物，不過腸仔就像伯伯私處，見到真係唔多開胃，煎蛋是正常，這個茶餐廳另一份卷，大約在接近肥佬邊緣。

沙爹牛肉蟹王麵終於來到，記得如果你來說，根據網紅介紹，係一定要食蟹王麵，老大出前一丁都唔夠配對。

先試口湯，沙爹味係濃，花生醬味滿佈整個湯，咁嘅湯食麵米烏然甚至飯都得。

當然主角蟹王麵要加兩蚊，加左後有乜化學作用？對我來說只是新鮮感，網上立刻有蟹王麵的前世今生，我覺得質感不錯，的確冇公仔麵個面有兩層的感覺。

吸盡湯的精華，係呢個麵的好處，而且不會太淋和軟身。

但如果食番出前一丁，大約可能有另一效果，只不過新鮮感一流，佳與不佳，沒有絕對。

牛肉是可以讚的，肥瘦適中，和沙爹的味有完全融合，無縫接軌。

如果你說不談重味精外，整個麵的感覺是不錯的，只不過如果你住香港九龍，入黎食個麵仲要排隊，你真係要入開元朗又有時間，如果唔係，你一定會失望。

連我這個愛沙爹牛肉麵如命的人都是覺得還可以吧，和我心目中的距離，是有差距的。

另外的炸雞翼和豬扒，傳聞也是推薦，叫了後等左二十分鐘都未到，阿姐話炸唔切。

可能啦，但等左咁耐，我都覺得結果令人失望，炸豬扒較為佳，厚身的扒配合了酥炸面，不會太油又吃到豬扒的質素，是好的。

而雞翼，真係不談也罷，如果話炸雞翼好，我都好想知佢話有乜咁好味。

我自己很喜歡長沙灣雲南風味那店的炸豬扒和雞翼，如果你吃過後而又覺得永順的好，我好想和你交過朋友，認識你和你的味蕾，我覺得那裡的好吃多多聲。

常說味道很個人，冇錯冇對，只不過不抱大期望就不會失望太多，我覺得這個page介紹永順的價值是引起的爭議討論，識睇一定睇留言，大家立刻會說自己的心中最佳牛肉麵，我想網紅對我的好處，大約不是那推薦，而是之後的討論。

永順食店 

元朗安寧路2號冠煌樓地下