一路都喜歡吃美味的自助餐，價錢不是問題，反而質素行先，有些地方你會重覆地去完又想去，位於炮台山的港島海逸君綽酒店之 Harbour Grand cafe ，就是一個極好的例子。 再一次說喜歡餐廳長長的自助餐枱，一字排開的氣勢，叫人非常吸引，眼睛都目不暇給，是最方便和一目了然的自助餐。
前菜和沙律有勁多款，意大利雜肉拼盤，沙樂尾腸，番茄水牛芝士和煙三文魚是我的至愛。
先來個海龍皇湯，加上了秘製的香料，飲下去便知道係好野，仲要有大量的海鮮，青口龍蝦食到你夠為止。
知道這裡的主廚非常出眾，今日一定食熱食先，牛仔肉以slow cook的形式，不過今日牛仔肉冇見紅，唔識食嘅人唔駛驚唔熟。
法國紅酒牛尾，喜歡牛的不可錯過，軟熟的牛尾包含了非常濃烈又香的紅酒尾，最令人心醉。
紅酒燴羊肉，加上肉桂八角青蘋果來燴，羊肉又香又軟又腍，輕輕的羶味就算不喜歡羊味也會愛吃的。
扒大蝦以大大隻的阿根庭甜蝦來煮，唯一可以做就係叫自己唔好食咁多。
這裡沒有說印度美食特別好，但印度特色煎雞和拋餅都做得不錯。
這裡還有很多中式食物，如燒味拼盤，豬肉燒賣，
炸魚薯條是每個朋友當晚都讚到不行的，當然要試下。
麵檔有馬來喇沙湯，豬骨湯，雞清湯，我喜歡的馬來喇沙湯，加個油麵，就如天生一對的愛侶，好配對。
鵝肝，椒鹽肉，星洲龍蝦鉗，排骨燒羊髀，西冷扒法式橙汁鴨胸等等熱食也十分不錯。
燒烤有雞扒，豬扒，雜菜同特別的燒烤鯊魚鰭，有空肚的都不要錯過。
然後反過來吃刺身，依舊不錯過阿根廷的大大隻7吋甜蝦刺身，仲有三文魚吞拿魚魷魚八爪魚希靈魚海膽帶子等等， 老實說剩係食刺身我已經十分滿足。
其他的海鮮仲有法國翡翠螺智利青口，波士頓龍蝦，加拿大蟹腳，法國麵包蟹等等。 甜品有越南地道甜品，以番薯椰子南瓜椰絲香蕉的炸品，好特別好有特色，如果有機會，一定要試， 我係越南都冇食過咁有特色嘅野。
其他甜品如椰汁西米露，麵包布甸，豆腐花，芝士餅芝士蛋糕，燉蛋綠茶慕絲布朗尼蛋糕，木糠布甸等等， 無論你乜口味都總會找到喜歡的。 每人最後以一個鮮奶燕窩來作結，連甜品都咁高貴，成為城中最熱門的自助餐，又有什麼出奇呢。 本身今晚黎諗住都係淺嘗，可惜面對咁完美嘅配搭絕對不能自拔，要瘋狂再吃一次先夠本， 行過的一位漂亮女孩形容呢度嘅自助餐為狂戀， 話平均每個月食一次，好似買月票咁，因為真係好抵食， 那刻我也相信這描述形容此自助餐非常正確。
Harbour Grand Café
北角油街23號港島海逸君綽酒店3樓
沒有留言:
發佈留言