飲食篇的新聞大約和娛樂新聞一樣,一個星期可以有咁多事發生, 特別暑假時分,舊餐廳大大小小的promotion, 新餐廳又如雨後春筍一樣,你的肚皮可以吃得幾多,就有幾多。
你看見黑糖珍珠奶茶成行成市,連開三間, 你看到日本廚師發板開完一家又有一間,簡直係全盛時期嘅情況。
可能你會覺得近來拉麵的風頭好像有點比下去, 數到最近的潮流應該要說剛剛海港城開的麵屋一燈和灣仔的一幻, 但如果你冇睇一排飲食界的新聞, 你不知道原來佢已經靜悄悄地喺海港城佔據了一個有利位置。
你試過睇住維港的無敵大海景食拉麵未,我就未試過, 開業的第一晚去到已經人頭湧湧,小弟不才, 霸佔不了海景位置同讀者分享, 不過三個月冇食拉麵嘅我實在太思念拉麵的快感, 因此我和朋友吃了餐牌大部份的選擇和各位讀者分享。
不過都係簡單說,無論湯麵到香港特別版的撈麵,都叫人吃得感動, 還有叉燒飯和餃子,那個鹽味和味噌都是叫懷念的北海道味。
先說這個只有尖沙咀特濃蝦汁叉燒拌麵。
最強的一定是那個特濃蝦汁,用上蝦頭,蔬菜,蝦湯煮過的湯, 試一口蝦汁已經是無敵,當然如果你對蝦不愛或有敵敏感, 我想你還是去第二度吃拉麵好過了。
不能錯過的還有那生蒜,拌麵一流。
每杯麵都有剛好半肥瘦的叉燒,加上半隻精美的糖心蛋, 和其他的青蔥,紫菜絲和拉麵撈均來吃,這個是近來令我最快樂的c omfort food。
一幻的叉燒飯係朋友M小姐大推的,當然不會錯去那裡, 叉燒和飯的完美結合,叉燒是剛剛適合的韌度和質感, 飯質令人滿意,一口拉麵一口飯,你又識唔識享受。
由於幾個朋友,我們多點了個純蝦湯鹽味粗麵, 那個感覺和撈麵完全不同,蝦湯會令你喜歡到瘋狂咁飲, 粗麵的口感比剛剛的撈麵更爽口彈牙,叉燒不在話下, 和其他的叉燒一樣是好到不行啦。
最後的蝦味飯團和餃子相對冇拉麵搶鏡,不過當然也是不錯的, 餃子豐滿更煎得香口,飯團也充滿蝦肉的香氣,如果你有位置, 當然要吃埋佢。
係我印象來說,要有美味的拉麵又有舒適的環境仲要有咁好的海景, 也沒有幾多間餐廳可以做到,價錢還要相宜, 我想也會成為了我其中一個拉麵飯堂吧。
沒有留言:
發佈留言