本店：在京都花都小路許了個願

聽過日本米芝蓮星級餐廳à nu retrouvez-vous很長時間，可惜，都係得個睇字，喺全球疫情底下想去旅行難過登天，莫講話去日本食飯。

當知道將軍澳開咗一間日式居酒屋，本店（Izakaya by K）由出身於呢間餐廳嘅北出佑介先生主理立即引起了我嘅興趣。

喺將軍澳呢個住宅區域，竟然有一間居酒屋室內設計以稻荷神社為藍圖，仲要係勁有日本風，十足你睇深宵食堂時嘅風格一樣。

如果你去過晚上將軍澳Parkside，你會發覺好舒服好靜，加上有間咁靚嘅神社居酒屋，咁特別，一定令你好似去左京都咁。

就睇介紹見到呢間滿佈京都特色的餐廳，就已經令我好有興趣，當到左間餐廳，更加喜歡。

先來個前菜，半熟溫泉蛋配海膽三文魚子，靚到不得了，三文魚子靚到晶凝通透，好fresh，原來海膽同蛋可以咁合拍。

蛋黃漬牛油果大吞拿魚腩他他，又係甜得大部份少女心都愛上的食物，牛油果味道濃郁，加上濃郁嘅吞拿魚他他氣息，開胃之作。

我要說免治雞肉棒最不精彩的原因是好吃而細件了罷，撈一撈隻日本蛋，加上紫菜，將免治雞肉棒發揮得淋漓盡致 。

我沒有想過黑豚肉加紫蘇葉會有咁大的化學作用，呢個真人不露相，無想過咁有力。

點了牛舌和唐揚雞翼呢類最典型的居酒屋美食，後者卻驚喜萬分，唐揚雞翼的脆皮非常可愛。

廚師發板壽司六件，我不會話好食到不得了的，但幾件如呑拿魚，甜蝦等壽司都好紮實，我其實想轉壽司枱來番一場omakase。

原條海鰻天婦羅，好少吃天婦羅又厚身又大條，處理得不錯，唔會太多粉嘅表層，入面包左厚身而好食嘅靚海鰻。

甜品選了兩樣，焙茶焦糖燉蛋同水信玄餅，都做得有板有眼，特別係焙茶焦糖燉蛋，那焙茶香，餘音嫋嫋。水信玄餅，味道像見到流星劃過當刻在京都的花都小路那種興奮一樣，我立刻閉上眼，許了個願。

希望大家都可以隨心所欲，想幾時去神社就幾時去吧。

本店

將軍澳唐俊街18號The Parkside第一座地下G07號舖