PlumCot: 第二最愛

記得吃過最好的Canelé係澳門的Ritz Carlton，那個味道難以忘懷。

聽過呢間店嘅pastry 都做得非常不錯，上星期朝早剛巧有時間，晨早就入大坑為嘅就係呢度嘅Canelé。

下午通常好多嘢都會沽清，幸好今日乜都有。

最推介當然係Canelé，唔係日日有得賣。外層嘅焦糖香，入面嘅軟熟，如果外帶回家下，烤一下外層，個外層表面脆脆地仲正。

另外招牌的Plumcot Brioche，我個人就麻麻，靚就真係好靚，食落去我覺得平時熱辣辣嘅菠蘿包感覺會好少少。

至於madeleine同Canelé一樣，做得非常出色，earl grey嘅幽香，令人心曠神怡，上星期食完之後都想再黎心思思想買番件再食多一次。

不過最正都係Canelé，是我吃過澳門Ritz Carlton的最美味之外，第二最好了。

Plumcot 大坑新村街10A號地舖