樹熊の食桌: 偸閒加油站

2015年7月15日星期三

偸閒加油站

應該第一次寫吃在辨公室的午飯。

在太古城，好多時都係分行食飯，賣外賣，日日food court，源於番工太忙，太少時間。

今日心情極度煩躁，因此決定要食餐勁。

思前想後，想吃junk food，麥當勞太行貨，KFC太普通，又唔想叫pizza hut ，於是看看openrice，睇下附近有乜高級junk food 。

看到了上次在上環吃的pizzeria jacomax竟然有delivery service ，想起那次吃的那個青蘋果pizza，一於唔駛諗，就試一試吧。

點解寫，因為吃外賣的pizza首次覺得同當場吃一樣咁好。

叫外賣都有叫頭盤真係第一次，雞翼惹味無比，強勁的黑椒灑於雞翼的上面，配合點點的橄欖油味，豐腴有致，一個人吃四隻也面不改容。

肉醬意粉是吃這些pizza店的必然選擇，由細到大都吃大家樂的肉醬意粉大，當然要求講究。這裡的質素也不錯，乾身的意粉配合為數甚多的肉醬，每條意粉都有沾上多多的肉醬，愛意粉如命的我，幾分鐘便吃完，不過意粉多點的話感覺更好，因為吃完還有好多肉醬，好像有點浪費。

由芝士，蕃茄，火腿，香腸，莎樂美腸這些典型old school topping組成的T rex就如pizza hut我最喜愛的至尊，經典就是經典，薄薄的pizza邊皮脆而鬆化，香味四溢，加上幾樣topping組成的味道係完全成為一個邪惡軸心，中間的味道是最典型的滋味，芝士蕃茄混合加上莎樂美腸和黑椒腸合力做成一個肥美得過份的午餐。