這個係韓國傳過來的新產品,流行了兩個多月了, 大坑有間叫九重鮮和佐敦的蒸蒸日上,我都試過,味道也不錯, 如果有機會是可以寫九重鮮的,記錄我吃得像焗桑拿的經歷, 而純以新鮮海鮮沒有添加任何湯底的打邊爐方法, 令我吃完有再次想試的衝動,特別未吃過的是在西環的那個fish market 同位於佐敦另一間five sense 也是這些層層疊蒸爐的表表者,如果你有興趣吃,看看這幾個選擇, 以我貪吃的人上網做過的功課,這幾個應該準是不錯的選擇。
當然潮流興到咁,唔食對唔住自己,不過, 香港也有間幾出色的陀地,位於紅磡一個小小的巷中, 在奇店加太賀附近的皇朝,正正也是用蒸氣來打邊邊, 不過佢冇左玩右玩層層疊,一個簡單的爐,就係全晚的飲食舞台。
皇朝是香港首間蒸氣火鍋店,用102 度蒸氣去蒸海鮮,時間全部有介紹,附送埋個計時器給你, 你唔會因為唔知時間令到食材唔好食,非常細心。 枱底下有一大瓶的蒸餾水,蒸氣的力量也是利用這裡, 超級新鮮的一個方式。聽朋友說老闆是蜑家人, 對不同的海鮮都有深度認識,特別是貝殼類, 多種不同的海鮮都放在門口,任睇,就如小型的三聖。
吃前有小食叫,吃了一口雞翼同魚片頭,最喜歡的是一口雞翼, 我一個人吃左一碟,魚片頭就麻麻地,都可以接受,但說真, 呢度係打邊爐地方,非戰之罪。
沙白$68,紋漂亮而殼薄薄,唔大隻但甜甜鹹鹹的,完全冇沙, 很少在外面見的類型,上次吃的時候應該是廣東飯莊。
沙蜆 $68,市面應該多點的選擇,比沙白大少少,
沙白蜆 $68,肥美好多,而且沙白蜆的形態勁靚, 鮮紅的蜆肉非常彈牙充滿鮮味,細細舊的肉都充滿水份, 又濕又肥美,我個人黃色思想,又想錯左隔離。海東風螺 128,新鮮的螺殼裡倒出是大千的海水味,不是很大隻的東風螺, 肉質結實,配合甜醬,吃到停不到口。
花蟹 $168,睇蟹紋都知係好野,有羔有肉你講得出要乜有乜, 樣子霸氣十足,蒸完個樣仲靚,不過價錢有少少貴。
細蟶子 $78,雖然我喜歡吃蟶子皇,但今晚吃的是細版, 大大隻的當然爽口而啖啖豐厚,但小小一隻卻也不錯, 絕對輸人唔輸陣。
腊味糯米飯 28,其實我有少少唔明點解會有呢個item, 和以海鮮為主打的地方有點格格不入。不過,糯米飯粒粒煙韌鬆軟, 配合惹味的腊味,如果在大排檔食可能風味更一流。
海中蝦$ 168,唔係好大隻,冇乜特別,但對比來說, 我最喜歡的是瀨尿蝦,新鮮程度一流, 未放下去前已經想從個兜裡跳下跳下, 放入去那個蒸爐我覺得勁殘忍,善哉善哉,但一念天堂,一念地獄, 那個方法好地獄,味道卻令你上天堂,這個反差,真係好大。
時令海魚是很少見的白板,我從未吃過這種魚,魚肉滑得如石班, 魚皮煙煙韌韌,雖然唔係好大條,但十分肥美, 之後我去第二次都想再叫,但唔係成日有,難得有緣, 我還在懷念其鮮味。
鮮墨魚,原來不一定在布袋澳吃墨魚刺身才有的鮮味, 這裡蒸雖然沒有刺身般白滑,但蒸熟吃卻是另一番滋味。
本地蠔 $88,平常都係食美國大大隻的,原來陀地都唔錯,鮮甜得很。
雞件半隻$98,金針雲耳蒸雞吃得多,咁樣係打邊爐地方蒸雞食感覺好奇怪, 不過雞件肉質甜而滑,配合自家醬汁同個麵絕對係一個配字就講完。
特大扇貝$ 58/隻,不得了,大大隻的扇貝肥美到震,配合簡單的蒸法, 如果一定要叫一樣野,我覺得就叫呢樣,又平又好食影相呃like 又靚,呢個可以日影夜影而野食唔會凍,值得叫ga 各Instagram 的朋友,呃like首選。
朋友推薦說要吃四寶,分別係鮮冬菇釀墨魚滑 ,有機豬肉釀娃娃菜 ,翠肉瓜釀豬肉 ,煙肉金菇卷,當中最喜歡的係翠肉瓜釀豬肉, 估不到係翠肉瓜同豬肉釀在一起咁有化學作用, 同埋煙肉金菇卷原來蒸黎食都幾好,冇汁冇特別煮過都咁有味, 一絕。
最後,重頭氣就係底下碗粥。 所有海鮮蒸過的汁呀味呀全部都滲透落去鍋底鍋粥到,所有雞,麵, 海鮮,蝦,蟹等的鮮味全部一鑊熟,個粥真係好味到不行, 係全晚最大的驚喜。
吃完呢一晚,我還是念念不忘,之後同朋友再過黎一次, 感覺大致一樣,不過,係位方便安排亂左少少, 記住過黎一定要訂位,想walk in ? 老闆會同你講:唔好玩啦。
皇朝私房火鍋 King's Dynasty
紅磡崇志街20號地下
沒有留言:
發佈留言