樹熊の食桌: 著靚啲？（愛情經濟理論課）

2015年7月23日星期四

著靚啲？（愛情經濟理論課）

常說openrice 是一個增進男女關係的媒體，如果你不買u magazine，不買新假期，你想追女仔約人食飯，想搵個好少少嘅地方可以浪漫一下，或者是氹下你另一半開心下，的確，在這裡你會找到好多好地方可以去，不用錢，只需入地點入條件入入菜式就可以自然找到選擇，方便得很，經濟得很，經濟的含意，有兩個，一個係錢，一個係時間。

少年時間多，係冇錢，他們當然以平靚正溝到女為準，中產一點，冇時間，有錢一點，平靚正也適合，不過當然如果唔夠豪華可能就會冇咁豪氣，有錢人，唔需要介懷，只要有錢，叫人找便成了。

今天去的這間餐廳A la Umai，絕對適合約女仔去，如果你係openrice 見到佢啲相，其餐廳的内外俱像酒店級氣派，有宏觀的海景，下午去特別好，唔講以為去左世貿個離間怡東酒店酒店Tott's and roof terrace，享受那不得了的一百八十度海景，睇食物的相片也是不錯，價錢更是不貴，於是自然想去看究竟。

一句著靚啲話俾女仔聽會另女仔聯想係去半島的Chesa，四季的caprice ，又或者中環的八部半，女性聽到著靚啲一定以為去溝女的終極聖地，可惜，如果你係咁樣諗就錯了，江湖傳聞有個傻仔就係叫人去著靚啲而發現這裡是商業大廈而失望的個案，仲要最後一日話俾人地先知道個女仔原來去過個間餐廳然後反問:"呢間都要著靚啲，冇野嗎?"自此，著靚啲就成為一個術語，正面可以話係如頭先列出的溝女皇者餐廳，反面可以係諷刺那些沒有查清楚底細而叫人著靚啲的人，哈哈，都係唔好笑人，其實這裡的美是另一種感受，如果你約人黎，不期待的話的確有驚喜，得如愛情經濟學上平野冇好野都是一般人的想法，如果你冇驚喜冇期望，以一個不錯的價錢去食一餐幾好的晚飯，不錯的。

可惜我來的不是時候，下雨天的晚上沒有夜景看，我相信下午天晴來應該是更值得的。晚餐黎講，以一個好平食得不錯的地方來說，我會覺得係抵，起碼浪漫已經加左分。

去到呢個著靚啲餐廳，當然要豪食一點，兩個人的晚飯，叫了個set dinner menu(其實係價錢相宜下決定食好少少)，叫呢個有海鮮又有肉的餐，仲可以加三隻蠔，對我黎講真係好抵食。

三隻都是法國蠔，由於太肚餓關係，冇問到係乜名就食左，只知道有gillardeau 同scottish rock，生鮮清爽的口感，由淡到濃，加上淡淡蠔的幽香在口腔裡漫漫散發，甘味令人回味，$98實在抵食。海景送蠔，如春風送爽，無得彈。

18個月黑毛豬風乾火腿伴哈蜜瓜，根據我食過幾次嘅經驗，呢度風乾火腿雖然唔係最靚一種，鹹度普通，而且沒有平常的乾身，18個月的種類應該會嫩滑一點，但今次口感沒有上次吃過的那樣精彩，蜜瓜之甜令整個前菜提升不少。

煎法國鵝肝伴烤鳳梨及陳醋洋蔥配藍莓黑醋汁，法國鵝肝伴的不是多士，是水果，感覺更不油膩，煎法國鵝肝煎得脆而可口，加上鳳梨的甜非常匠配，而那個藍莓黑醋汁加上煎香了的洋蔥，令其表現更完美。

主菜選了烤地中海海鮮（魚，帶子，虎蝦）配蟹肉忌廉汁。外表豐富多彩，大大件的海鮮絕對令人垂涎。大大件的銀鱈魚，魚肉鮮嫩無比，滑得很的白白魚肉煎得金香，魚皮煎得更是超級脆香。大大粒的帶子也是鮮甜清新，以剛剛微熟的質地來看是最佳的狀態，與你情如白雪，永遠不染塵，情侶吃呢啲又點會唔浪漫呢。虎蝦激大隻，不用自己剝蝦，大大舊的蝦肉放在眼前，美味的蝦肉實在是爽口得很。吃到底還有大量的蔬菜，混合了海鮮鮮味同蟹肉忌廉汁，味道一流。