上次說過,像何蘭正呢啲食字店呢排突然潮起來,當中, 最出名的一定係炸理滷味。
位於砵蘭街附近,咁市井嘅名,你會覺得可能龍蛇混集, 以為係地踎不行的店嗎?
剩係睇過咁鮮豔的門口,你就知完全唔係個回事。
首先要講,未食已經喜歡呢間餐廳嘅美術指導,那些懷舊的風, 我想起飛鈔風中轉,我想起七八十年代的電影,我想起霧之戀, 那些磚瓦,色調,黑膠碟,播的音樂,全是那個年代的味道。
食物都是現在流行的小食店,好多炸品,如魚蛋,雞脾等等, 不過一如其名,炸理滷味,有炸物出名外還有滷味。
因此,我今日特別叫左幾種滷味來試,於是滷味大全三種都叫了。
滷味鴨舌的滷水味雖然不太濃,但鴨舌的精彩有於肉厚, 滷水雖然不重味但完全植入鴨舌中。
滷味大腸,大腸勁厚而肥美,滷水將整件大腸色彩都改變了, 味道好,剛剛我買完後和朋友分享,朋友有麥卡倫提供, 人出雞我出豉油,送威士忌一流。
滷味雞腎,同大腸一樣,又係送酒良品。
本身想買隻炸雞脾,睇下三多同佢邊個勁少少,不過炸脾準備需時, 又趕時間,於是都係叫呢度嘅名作,炸串紐西蘭特大咖啡菇, 當然味道非常濃烈,我想送啤酒就完全適合, 那咖啡菇炸完不會冇左水份,依舊軟淋淋又好多菇汁, 絕對是炸得出神入化。
另外,還叫了芝心海老波波呢個限量物品,咬下去芝士便射出來, 一不小心辣到口,到時真係你老味,不過, 很喜歡那個海鮮球的爽和彈牙,最重要,小心吃便是了。
最後叫了個溫泉玉子滷肉飯,呢個係最好嘅選擇,唔係炸理, 又唔係滷味,溫泉蛋的滑加上那入味的滷肉,仲要有隻勁靚嘅碗, 你完全估唔到,原來滷味不是最出色,炸物不是最色, 反而是滷肉飯,炸理滷味,竟然不是最重點。
無論點,平平地食下小食,係八九十年代的歌聲中,聽著紅茶館, 讓一切隨風之後,飲杯青檸話梅梳打,我不是從來沒有飲品只有酒, 如果喜歡酒,來這裡一定勁興奮,因為好多不同的手工啤, 吃一口炸物滷味,飲杯門神啤,那感覺多好,你定會想說, 人生在世,咁樣炸佢滷味才是真正的生活啊。
炸理滷味
旺角砵蘭街147號祥興樓地下A舖
沒有留言:
發佈留言