2019年7月3日星期三

春芳號:最藝術的台灣茶飲品牌

剛剛過去的七一假期,在台北過了那三天假,就像回家的感覺一樣。

每次去台北都有新體驗,但最開心係,永遠都有新事物發生,當我地係台北風景區叫一個台灣人幫我地影大合照嘅時候,佢一句香港加油,證明這城市的質素,很高。

當然,所有朋友都知我對台灣有一份特別的情意結,再說就hard sell了。

講咁多題外話都係廢,講番正題,又有一個台灣新嘅飲品品牌來到香港,還記得舊年呢個時候,黑糖飲品為香港帶來一個最大嘅飲食高潮。

那個時候的幸福堂,老虎堂,和珍煮丹,你還記得幾多間?

反而對我來說,茶永遠都比較適合大眾化人士,起碼冇咁甜,易受歡迎,我諗你而家想買杯黑糖飲品應該唔使5秒鐘。

春芳號完全不同,大概就是這個背景,以原材料配香醇茶感見稱的品牌,更有特色,最出名係用地瓜來打出名堂,之後的玉荷青蘆薈蜜,更是台中貴婦千金最愛的飲品。


當然其實品牌背後其實係兩個人的愛情故事,被茶牽引著,於是才有一份好茶,滿面春風,這個對茶和愛情執着的口號,有興趣你inbox我,講多啲你聽。

當日在這個試業階段就飲了幾個飲品,由於太熱,第一杯選了凍的甘蔗清茶,選了半糖和全冰,絕對是夏日之選。


喜歡其甘蔗不太假,又不是死甜。


另外冬瓜烏龍也是清新無比的選擇,也是有點涼快而不是太人造的味,茶香也很重,那烏龍叫人心曠神怡。


最後係成名作,玉荷青蘆薈蜜,甜度高一點的選擇,但蘆薈和蜜糖的交流,令人感到舒適。

可惜太飽還要食飯,飲唔到佢哋嘅地瓜,下次一定要再聚。




可能你會奇怪,問我點解要飲咁多杯,原因就係呢一個花花杯,莫講話女仔一定鐘意,復古感非常重的花花杯絕對係打卡對象,我都好鐘意,這裏有齊不同的第一代至第四代的花花杯,更有特別的限量版, 為咗個杯試幾個飲品,都不出奇。

只要你在Google一search,你哋見到帶着春芳號旅行的hashtag,就是這樣才知道呢個品牌係咁勁。

不過最有心係,係呢個品牌嘅心機不只放係隻杯或者杯嘢飲嘅品質,連店舖嘅藝術風格和細節都做得好好,香港的製作團隊更特別製作了一個攝影鏡頭。





只要係店裡用手機鏡頭對住logo,就會有不同的效果而且有大量花朵飄出,呢一個咁新的玩意係之前任何一間飲品店都前所未有的,也因此,最藝術的台灣茶飲品牌,絕不會為過。

如果你經過中環,絕對值得繞道過來飲一杯,打過卡,特別係呢幾日咁熱又令人心情煩躁,起碼呢度嘅漂亮華麗會叫香港人的低落心情好返些少,暫時望憂吧。



我相信這個台灣的團隊都會毫不猶豫跟所有來的香港人說:香港加油!!!

春芳號 
中環砵典乍街6號立輝大廈地舖

沒有留言:

發佈留言