我不是那些坐擁萬多個followers的那些食家博客，有時，只係想分享下自已食到好食嘅野，希望同好者找到心頭好。
而看到每人喜愛自己的推薦，比我自己吃到好東西更為興奮。
與認真識食的人交流，那火花應該就如電擊般，這也是我寫下去的原因。
前天，忽發其想，有時食到真係好好嘅嘢食，不如簡單寫幾隻字，勤力啲多產啲， 見多啲識食嘅人，吃東西的動力會更大一點，眼光會更闊吧。
那麼就試試簡單寫下吧，一於就寫其中一間我最愛的咖啡店。
起源於表參道的Omotesando Koffee本身只有利東街這一間分店，剛剛灣仔附近的美國萬通大廈也開一間。
我最喜歡的老實講不是咖啡，反而是這裡的egg sandwich，咖啡也有很多空間可以寫，不過下次再詳談。
昨天在灣仔工作的時候一肚氣，應該係史上最嬲嘅一日，途經灣仔，點都要氹吓自己開心。
於是到這裡買了最愛的Egg sandwich。
熟悉我的朋友都知我最憎食麵包，連老婆都奇怪點解我咁鍾意這裡嘅三文治。
和台灣的洪瑞珍有異曲同工之妙，非常軟熟的麵包，勁有內涵的蛋，簡單的配搭已是美食，個蛋就就好似軟雪糕一樣，而最重要裏面有絲絲嘅Wasabi味，基本上每次行過我都會想食。
一盒三件，剩惠$58，可能你會覺得好貴，不過如果未吃過嘅你，經過值得一試，我相信是你從未吃過嘅蛋治口感。
要注意六點後就冇三文治買，要吃記得入黑前來吃，就如遊行一樣，入黑後你就玩完，不過買唔到應該唔使爆缸。
當然10蚊一件的洪瑞珍性價比高很多，就算你唔喜歡洪瑞珍，我都建議你試吓。
返到公司食左一件都半飽，請咗另外兩件俾同事食同事，她們都話係未曾食過嘅感覺，面上呈滿足的笑容。
這應該是我寫東西的初衷吧。
沒有留言:
發佈留言