2019年7月29日星期一

一幻拉麵:七月八月壽星注意!

中環,其中一個拉麵兵家必爭之地。如果說銅鑼灣係香港嘅拉麵街,中環就係另一個集中地。

不過中環應該才是發源地,還記得豚王的首店是在中環嗎?有番咁上下食齡,就會記得。

雖然中環冇咁集中,但係中環卻不乏有名嘅拉麵店,前陣才介紹過的立体派,附近的霸嗎,一風堂,遠一點的豚王,即將開的麵屋一燈,密集恐懼症的程度絕對不下登龍街。

說的是先後在灣仔和尖沙咀有立足的一幻拉麵,第三間分店就在鏞記附近開幕,正正係今日7月28日,正式同各位粉絲見面,以後中環區又多了一個拉麵選擇。

特別係今次新開店又多了幾個賣點,叫我第一日一定要來。


首先,要講嘅係呢度有中環分店限定的拉麵,蝦汁胡麻拉麵,一定係主角。



大家有少少認識就知北海道的拉麵都以較為濃厚為主,不過,蝦汁胡麻拉麵卻為你帶來意想不到的驚喜,這個夏日限定的拉麵和你吃開的感覺完全不同。

主廚以煮過的小虎蝦,叉燒,蛋絲,醃蘿蔔,青瓜,甜辣小蝦,脆麵酥等為配菜,以芝麻和蝦粉為主,再加入蝦仁蒜蓉醋等調味造出那蝦味胡麻汁,再掛上麵條,將麵和蝦汁同配菜攪拌一起來吃,完全是消暑之作,來到絕不可能錯過。

當然如果你想食返傳統嘅拉麵,呢度當然仲有傳統蝦湯拉麵湯底, 還有之前在尖沙咀是吃過的特濃蝦汁叉燒拌麵和辛辣味噌蝦湯拉麵你選擇。

之前吃過辛辣味噌蝦湯拉麵,一試愛上,今晚再食,依然咁完美,個湯辣度和味噌味比例完美,就算A小姐話唔健康,我都將全碗湯飲完,以示我對師傅嘅尊重。




叉燒和溏心蛋還是標準,也不要錯過。



另外叫了一個香辣甜蝦椰菜沙律,香辣甜蝦又脆又可口,送酒一流,椰菜的鮮和清新,這個價錢,你會覺驚喜。



餃子相對當晚冇咁出色,厚身了一點,不過吃一下,絕對不壞,只是這裏的其他食物太出色吧。


另外我也很喜歡這裏的叉燒飯,切碎了的叉燒滿佈全碗,加上蔥花,每粒彈牙的飯,如果當天你不想吃拉麵,這個絕對是你必然首選。



吃拉麵送番杯北海道嘅梳打啤酒同梳打果汁,正。


另外當晚我看見有人揸住個好靚嘅powerbank走,原來新店限定有一個拉麵套餐,兩碗拉麵加一盒餃子加兩個飲品再加一盒盒裝的拉麵,也只是$388,朋友的家姐見到心心眼,說一定要買個番屋企,對我來說,屋企太多powerbank,唔係我都要食呢個套餐。

絕對數量有限,送完即止,要買就快。

另外要享受的反而是這個生日優惠大放送優惠,只要你係七月或八月份出生的客人,於7月28日到8月2日,喺呢間分店惠顧任何拉麵即可享有買一送一優惠,仲可以無限次使用同,和朋友分享更正。

嚴格來講即係40幾蚊,已經有一碗拉麵,咁平都唔過黎食?

就算你唔係七八月生日,找過朋友過來陪你食一幻啦。

仲有,掛畫好靚,如果你對蝦湯拉麵冇乜認識,記得欣賞下。





PS仲有呢度分別有三隻唔同味噌,鹽味和醬油嘅味拉麵可以買返去煮,喜歡的話可以將這個味道帶返屋企。




一幻拉麵 
中環威靈頓街50號華威大廈地下A號舖

沒有留言:

發佈留言