還記得上次吃過的主題嗎?可能未必記得，但就一定記得個火焰雪山。
酒店房遇上寒冬，但自助餐卻沒有因這個原因而停下來，今晚，高朋滿座。
聽朋友說個主題不錯之餘，睇幾幅相似模似樣，喜歡鮑魚龍蝦絕對是開正你個嗜好。
個主題做到八月尾，難得仲訂到位，不用考慮吧。
先看看「鮑魚 · 龍蝦海鮮盛宴」有乜野特別野食先。
龍蝦代表有櫻花蝦柚子龍蝦沙律伴黎麥，看來我不用介紹這個菜式吧。
我最喜歡飲湯，法式龍蝦海皇湯我由小小的細碗飲到用大碗攞，飲了不知多少碗才停手，裡面有龍蝦肉，也有非常脆的麵包送湯。
避風塘炒龍蝦鉗相信係最唔方便的選擇，所以我只吃了一件，情願吃龍蝦沙律好過。
特別嘉賓有這個素鮑魚吊燒金錢雞，看你喜歡不喜歡，不過少見是事實。
鮑魚方面，籠仔紅咖哩蒸鮑魚係主角，最好係酒店無限你攞幾隻，見到有個細路女一次過一個人攞咗六隻。蒸鮑魚剛剛好，加上不太辣的紅咖哩，整體感覺更好。
蒸鮮鮑魚伴鮮菇魚肚和辛辣鮑魚伴火箭菜沙律也是令人愛不惜手。
不過最正還是泰式鮑魚，食六七隻已是等閒事。
醉滷鮑魚伴杞子係朋友推薦，好藥材味的你，必定喜歡。
另外即煎牛扒，羊扒，火腿也是不錯，其他熟食如黑松露鴨肉，炸魚柳，雖然選擇不是瘋狂地多，但也夠三心兩意的我。
最正係突然有嘅西班牙乳豬飯，聽到鈴鈴聲記得快啲去排隊，手快有手慢冇。
當然，蠔是必然的選擇，還有其他凍海鮮如蟹腳，翡翠螺和蝦，還有多種不同的刺身和壽司。
由於今次龍蝦同鮑魚太夠照，呢d都好似變咗雞肋。
甜品方面，選擇都幾多，有朱古力噴泉，有班戟（最正嘅係榴槤味），有芒果拿破崙，有唔知洪瑞珍嘅蛋治，有芒果糯米飯，有火熖雪山，又有梳乎厘，講真，雖然款不是勁多，但都overall好食。
最正係一如往年有得任食月餅，最正係有花生味，九龍酒店的月餅，你有本事食得多絕對係你回本位。
特別地方係有素食專區俾愛素人士，薄荷忌廉煮青豆，呢排係Donki好hit嘅燒日本甜薯，欖角炒四季豆，蟲草花芹菜炒雙菇等等，不過，龍蝦鮑魚的吸引力實在太強，我只能遠觀不能褻玩。
Facebook做緊"兩個大人送一個小朋友"優惠，有興趣呢幾日過黎俾如龍蝦鮑魚誘惑一下，不要猶豫。把握機會於8月31日前試試這個期間限定的自助晚餐。
https://www.facebook.com/KowloonHotel/photos/a.718531014851657/2455073774530697/?type=3&theater
沒有留言:
發佈留言