食自助餐可以填飽個肚聽得多，但食自助餐可以滋補，美肌加養生，你又聽過未？
上個月尾栢景餐廳誠獻「滋補 • 美肌 • 養生」自助餐，推出左一系列滋補養顏、含豐富骨膠原的菜式，係近來幾surprise 幾令人驚喜的主題。
近來來過栢景兩次自助餐，上次爐端燒個主題已經盡顯呢度與別不同嘅構思，今次再下一城，主要針對嘅係各大愛靚嘅女士們。
不如一齊睇下呢個自助餐嘅特色同埋有乜嘢回本菜式。
當晚七點多才到，自助餐最好就係各有各自食，遲來的我立刻有職員為我送上意頭十足的佛跳牆，平時在皇仁舊生會吃得最多，每位賓客於自助晚餐時段都可以有一人一客，當然一貫作風用上矜貴得很的食材如鮑魚、花膠、花菇、干貝、蹄筋、雲腿等等燉煮 6 小時而成，雖然你睇好似好細碗，但係非常足料。
另外朋友J小姐特地攞咗碟花膠頭抽炒珍菌， 呢碟有得係自助餐食真係值回票價，每啖花膠口感軟滑，加入多種不同的雞脾菇、鮮冬菇、蘑菇、彩椒及甜豆等，呢個隨時可以多骨膠原到漿住左個口。
我非常喜愛牛骨髓，肉質鮮嫩的烤牛腰扒配上健脾開胃、油而不膩的牛骨髓、菠菜、麵包糠等，吃了兩件都不夠，口感和食材都同時不多口，係自助餐見到都算幾有誠意。
帶子炒鮮奶又係養顏傑作，女士一定要食，俾我就送個白飯。
突然跳下講甜品，冰糖雪燕燉北海道 4.3 牛乳蛋白又係絕對正，係人都知雪燕含有豐富膠原蛋白，愛美白女士一定會知，而且牛乳蛋白又香又濃，你任食都得，隔離枱個細路女就好識貨，一個人起碼食咗四五杯，細細個都識養顏，你又點可以錯過。
美肌甜點仲有幾個選擇，其中有特色的包括呢個桂花杞子骨膠原布甸、雪燕蜂蜜奇亞籽水晶糕、百香果蒟蒻。
當中最愛呢個桃膠芒果椰汁西米露，足料到震，平時喺出邊食一個呢啲咁嘅糖水，起碼$50到$60，你話點可以錯過。
補充下其他平時有嘅選擇，呢度嘅燒烤部份好令人深刻，特別係龍蝦，上次已經係長期排隊排龍蝦，今次同樣，D小姐仲笑我，唔食十件唔罷休。
還有其他燒蝦，魚，魷魚同羊扒，即場燒俾你，色香味俱全。
冰鎮海鮮點會冇，還有日本刺身和前菜，不過熱葷同其他選擇都太過精彩 ，呢度反而冇乜用個時間食。
另外推薦還有意粉同白汁青口，可能你會覺得冇乜特別，但味道不錯，值得試下。
即切北京填鴨，又係另一受歡迎的作品，不時都會有條隊排。
平時呢度都有粉麵檔供應，不過今日就係水蟹粥，除咗水蟹外，加上你自己喜愛嘅海鮮和肉類，又係即叫即整。
其他沙律，cold cut都是一貫的好。
當一個自助餐可以滿足三個女士的願望（滋補 • 美肌 • 養生），在官網預訂可享55折優惠。平日時段原價六百幾，但係官網預訂後有折後就只是四百咁上下，就算要先比晒錢，都值得啦。
沒有留言:
發佈留言