有返咁上下年齡嘅人都會記得，好耐之前為咗振興電影業逢星期二戲院都全日特價。
到今時今日，呢個傳統依然繼續。
不過如果愛肉人士去過Porterhouse，星期二就賦予一個新嘅定義。
聽過呢間餐廳嘅meat me Tuesday promotion 已經好耐，見過好多朋友都試過，都讚不絕口，終於的起心肝同朋友去食，剛剛上個星期二，來個食肉獸之旅。
約了七點，來到剛剛好，因為只有兩個小時，遲啲都會驚蝕抵食得少。
當然要食下芝士沙律自助吧先，食肉前食少少菜會健康好多。
非常多嘅意大利冷盤芝士同自家製沙律選擇，令你花多眼亂。
不過最喜歡有個人最愛：蘆筍同西蘭花。
當然呢啲都唔係重點，最正嘅係以醃制，香烤，慢火等不同方法來炮製嘅精選牛肉、雞肉、羊肉和豬肉。
首推當然係來自澳洲嘅牛扒，我足足食左四塊，非常得，炭火燒得非常香，剛好的medium，當然如果你怕生嘅話可以切啲熟嘅位置。
如果你係牛魔王，食牛肉絕對值回票價。
香烤雞都唔錯，要左隻雞翼同雞脾，雞肉非常嫩滑，雞皮也不能錯過。
相對羊架比較失色，朋友P的老人言，我沒有聽入耳，試咗一件，麻麻，不過同經理反映後，佢立刻叫廚房整左另外一件後，水準好翻好多，可能係廚師問題吧。
喜歡呢個係調味有多種，就算連鹽同黑椒都有唔同，最正嘅係有冰島先見過嘅黑鹽。
最後嘅燒香烤豬肉，也是精彩，特別係個豬皮，脆得同中式燒乳豬一樣。
如果你係愛酒人士，我建議你一定要加錢要free flow，有香檳紅白葡萄酒朝日啤酒和雞尾酒，任飲兩小時，$288，喺蘭桂坊附近來講飲兩杯都唔得，值得飲。
吃牛肉時飲嘅紅酒同埋入場飲嘅香檳，也不錯。
另外佢都有晒啲side俾你任食，薯條，香炒蘑菇，忌廉薯蓉和雜菜沙律四款你揀。
當中我最鍾意薯條同埋香草蘑菇，如果有芝士通粉，應該更滿意。
另外也有甜品供應，不過相對普通，我也不特別詳談。
同呢度嘅員工傾開，原來呢度嘅brunch 都好吸引，搵機會食下，好嘅，再下同大家分享。
沒有留言:
發佈留言