武漢肺炎繼續打擊本地經濟，呢幾日出過街都知，出街食飯嘅人真係唔多。
好多好驚嘅朋友，呢排真係唔夠膽去街。
不過黎緊又係一年一度嘅情人節，我諗大部份人點都會試下出去食下掛，畢竟一年一次。
搵間餐廳食飯慶祝情人節，順便補下物資都要嘅。
往年好多人都喜歡情人節打邊爐，因為絕對唔會俾人坐地起價，而家打邊爐好似高危，不了。
咁不如回歸基本，食返西餐，西餐一定有平靚正嘅選擇。
即刻推介返我年尾食過寫過嘅呢間westwood cravery，再推一下 。
當晚和一大班朋友食，非常高興，因為可以有多好多選擇，上次同老婆兩個人來，一碟意粉一個扒已經好飽。
先來杯mojito，食飯前，一係飲佢，一係飲gin tonic ，是最好的appetizer 。
前菜沙律選擇係我最愛的紅菜頭，Roasted Beetroot & Pumpkin Salad，與別不同的配搭，愛沙律嘅人點會唔鐘意。
愛炸物的一定喜歡這個，Fried Calamarim的炸魷魚，真係不能停口，一定要送杯啤酒。
好驚喜的還有這個Fisherman’s Crab Cake，雖然以價錢唔算平，但入面全部係蟹肉，好豐滿，完全沒有任何欺場，係真嘅蟹餅。就如現在香港人的口罩，足三層。
我係看到呢件多士才衝着要過來的，Canadian Sea Urchin & Foie Gras Toast ，上面的清酒啫喱加上大大件的加拿大海膽再加上煎到勁香嘅鵝肝，我相信除非你唔食海膽或者鵝肝，如果唔係，完全無抗拒嘅餘地。
主菜當然要吃Slow-Roasted Beef Short Rib，呢個係無得輸嘅作品，燒得香，吃下去那個肉汁爆發，牛強烈嘅香味一流，絕對是愛牛的佳音。
USDA Prime Rib Regular Cut Sides係另一回事，每次嚟到呢間餐廳我哋都會問究竟你鍾意Short rib 啲定係prime rib多啲，我自己覺得short rib 野性得多，就如刺身同火炙嘅分別，今晚呢個regular cut其實都唔錯，不過如果下次厚切的話成個口感都會令人滿足好多。
如果你來，要prime rib最好都係要厚切。
Side又係這餐廳不能錯過的項目，忌廉粟米同菠菜都好正，不過吃得多會膩，反而我最愛蘆筍。
每次來都要吃的Urchin carbonara，每條都充滿豐腴的忌廉汁同海膽撈匀所有意粉，係令人吃到難忘到一個點。
基本上呢一碟意粉真係唔使寫，佢個樣已經話左俾你知道有幾好食。
叫了coconut sorbet喺中段當作一個過渡，感覺好爽。
甜品幾樣都不錯，有板有眼，New York Cheese Cake好好味，樣子小小又可愛， 我反而最愛係佢。
太太同幾位朋友就鐘意Apple & Mixed Berry Crumble with Vanilla Ice-cream，crumble，焗到脆得驚人。
老實說，以價錢來說，係蘭桂坊仲要有咁高嘅質素嘅餐廳選擇唔係好多，這兩年來了幾次，次次都無失望，我還在想星期五，不如再去吃多一次，唔知依家仲有冇位。
如果你還未訂餐廳，不妨考慮吓。
沒有留言:
發佈留言