逸軒:今年第一個生日蛋糕

久未吃過Alva的中餐廳，B先生放假，我掹衫尾跟隊食飯，入到石門的Alva，食佢呢排推出嘅一個餐。

饌嘆品味宴，食完之後真係幾讚嘆，係非常之有藝術感嘅一餐中菜，同埋最重要呢個餐真係非常之超值。

星期一去到，都算好多人，幸好有人安排晒位置，又完全唔使諗。

先來的逸軒三錦碟，日本醬大根洛神，紅酒煙燻蛋，柚子豚肉，擺盤精美係常識，不過最精彩係個擺盤。

我最鍾意係個煙燻蛋，用上紅酒感覺幾特別，同時吃到嘅係酒香同蛋香。

柚子豚肉，即係叉燒，不過配上柚子汁又係幾新鮮嘅配搭，都幾精彩。食完柚子豚肉意猶未盡，叫多個最傳統嘅叉燒，又厚身又煙韌，味道一流。

松露海皇羹上枱那刻，真係以為自己去咗西餐廳一樣，先飲一口湯，個種濃烈好令人難以忘懷，每一口堂都有無盡咁多嘅海鮮喺入邊，又有蝦又有帶子等等，呢個絕對令人有驚喜之作。

鬼馬鴛鴦蝦，用上兩種蝦球，龍蝦球同蝦球，配合了開胃嘅醬汁，炸得油而不膩，個人喜歡龍蝦多一點，個肉質爽口彈牙好多。

你無想過鮑魚同東坡肉會夾吧，慢煮意大利黑醋欖油鮑魚東坡肉呢個我個人覺得有一點奇怪但係食落口又非常之舒服嘅菜式，東坡肉你覺得肥？我理得你，一舊食哂。

我無想過香脆一夜鮮會咁大條，通常食串燒都係小巧一條的，用上嘅係小黃魚都不錯，愛吃鮮味一流。

腿汁六頭花膠燴珍珠米係當晚我最推介嘅作品，花膠非常大塊，六頭加上個汁絕對令人可以好開胃，燴珍珠米我個人覺得缺点，點係實在太少，因為花膠同汁真係好好送酒，G小姐話夜晚唔食飯，我都唔知幾想食埋佢嗰份。

甜品有椰香十勝紅豆糕和鮮果杯，相對簡單一點，但原來好戲在後頭，G小姐為我準備咗今年第一個生日蛋糕。

真心多謝你，記得下次再約呢間嗰個寶盒飯，再飲番杯。

逸軒 沙田源康街1號帝逸酒店2樓