胡爐：無聲浪

人老咗，就唔想諗咁多野。驚心動魄遙看你，走失也忘了害怕，聽完都會感慨人老咗好多嘢都會退化。

特別好多時，簡單就算，以前食飯都會俾心機諗吓，而家越嚟越懶。

就好似今晚同一班朋友打邊爐，本來想選擇啲近期火熱嘅火鍋店香江花月，但係最後都係揀一間飲食質素非常高嘅胡爐。

呢度嘅特色係你可以自選一火鍋底，有醉雞煲，青麻辣豬手煲，同胡爐醉鴨煲俾你揀。

當晚我哋分開枱坐試咗兩個煲，惹味雞同醉鴨各有特色，我自己個人特別鍾意醉鴨，可能因為少見。

惹味雞真係非常之惹味，好得，直頭想攞嚟送飯。

用Facebook訂枱仲會送蠔皇鮑魚佛跳牆一客，送嘅質素來講，不錯。

之後會有至尊拼盤送，時令海鮮拼盤，有牛拼盤同手工丸餃平台。

海鮮拼盤有鮑魚，聖子，蜆，帆立貝同蝦，講真呢個海鮮拼盤已經夠抵食。

仲有澳洲和牛，牛舌心同黑毛豬豚肉，質素都幾高。

手工丸同餃都幾特別，有泰皇鮮蝦雲吞，手打蝦丸，XO醬帶子餃，魚皮餃，芝心丸，同黑松露墨魚丸，每隻都唔錯 ，鹹魚青菜各有所好。

講真食到呢度都飽，原來仲有好多種唔同任點火鍋料俾你，到呢個嘅時候當然要食啲菜。

我like左Facebook，當然都有雪糕食，好多味道都幾特別，當中最喜歡豆腐味。

星期一至四7:30前還枱每位238 ，如果五六及公眾假期前夕只係+30，以正價就$298，五六日同公眾假期前夕都係同價，唔使諗有咁多好嘢食你話正唔正先。

可能食得多都真係會好退化，因為呢個任食火鍋太不需用腦了。

胡爐 尖沙咀厚福街8號H8 16樓