Giovanni Pina：就像流落在意大利街角

K11 Musea開幕嘅時候，大家都對於商場嘅裝修讚嘆不已，估不到想去好耐嘅Giovanni Pina原來正正對住呢間商場最華麗嘅核心。

餐廳嘅名氣已經聽過已久，喺意大利讀書嘅時候當時最喜歡就係去街頭巷尾小店食嘢，估唔到今晚嚟到就搵返嗰種感覺。

一坐低，最開心嘅就係餐廳嘅環境，係一個咁靚嘅氣氛，食乜都自然加分。

先點沙律同湯，叫咗個迷你水牛芝士波車厘茄香草珍珠洋蔥沙律，英文可能仲長，寫中文可能短啲，但係意大利嘅迷迭香油醋汁令成個沙律都非常開胃，水牛芝士波大大隻非常夾個油醋汁。

湯就選擇左蟹肉南瓜忌廉湯配香草麵包條，如果你同樣兩個人嚟，我奉勸你每人一半就好，因為飲完就會好飽，食不到其他野，香草麵包條令你感受到呢間野嘅Bakery真心有料。

另外點了一個蒜片蕃茄白酒汁煮青口配意大利脆包片 ，個青口係數一數二嘅好。意大利脆包片點下蕃茄汁，加隻青口，跟我用意大利口音說聲Marvelous，我立刻想起希魔撞正殺人狂嘅畢彼特。

主菜食我想食咗好耐嘅龍蝦意大利飯，基本上個個人嚟到都一定會打卡，意大利飯嗰種煙韌同甜美，令人不能不吃，唯獨係個龍蝦太過乾身，我曾經很喜歡意大利式嘅海鮮煮法，今晚呢個水準同我想像中有點距離。

由於bakery正，我選擇了scrocchiarella，傳統嘅意大利pizza，長方形的，口味選了black truffles味，呢個相對喺其他意大利餐廳較為少見，正正係意大利嘅小店才會又有嘅一口pizza。

送杯白酒先一流，朋友說這絕對是意大利小店嘅食法。

到甜品啦，又係另一個令人很難取捨的時間，最後我要了意式朱古力薩克蛋糕同蛋白檸檬撻，我個人喜歡前者，滿滿嘅朱古力香，相信用料非常講究，蛋白檸檬撻係朋友Z的最愛，我個人對檸檬甜品感覺麻麻，就讓他完成吧。

當然一定要食意大利gelato，多種唔同嘅味道，最愛嘅一定係開心果。

最尾來一杯意式咖啡，完美。

我期待下一次再嚟食其他嘢，一次真係食唔晒。

Pasticceria Giovanni Pina 1920 (K11 Musea) 尖沙咀梳士巴利道18號Victoria Dockside K11 Musea2樓217號舖