熱愛澱粉質嘅佢絕對係適合去星馬泰嘅旅伴，不過，佢已經六月去新加坡，勁羨慕。
我就本身六月都去新加坡，但要係屋企照顧愛貓，計劃告吹了，結果只能係香港食星馬菜望梅止渴。
剛好J小姐和C小姐約食飯，就選址了在尖沙咀的沙嗲軒，天助我也，沒有新加坡的旅行，都有餐補償下心靈嘅慰藉。
店位於酒店的關係，位置方便，又舒適，平時去旅行食新加坡馬來西亞地道野，地方一定冇咁好，沙嗲軒絕對係高幾班。
今晚食嘅係獅城地道風味菜譜，全部都係餐廳嘅Signature 嘅菜式，呢段時間過嚟食一個餐牌，可以食晒所有出名嘅嘢食。
黃金脆魚皮打頭陣，絕對是無敵，我想起那牌子的邪惡魚皮，味道有過之而無不及， 而且呢度仲要係新嘅，香港出那間?不談也罷。
同樣作為前菜的家鄉福建薄餅配牛肉沙嗲串及豬肉沙嗲串，福建薄餅當然恰當，不過沙嗲牛肉和豬肉串才是皇道，味道帶沙嗲的香和辣，肉質又帶嚼勁。
絕對是一個大驚喜係肉骨茶，新加坡的肉骨茶就帶胡椒的香，馬來西亞就帶藥材香，沙嗲軒的肉骨茶就係前者的款式，肉骨不是太大條，但每條肉都浸着肉骨茶的香氣，你也可選擇油炸鬼，喜歡也可以像F先生一樣叫白飯送 。
招牌海南雞配油飯當然是BAU的項目，海南雞雞肉滑溜，油飯粒粒細緻分明，配上三色醬，滋味無窮。
主角係焗胡椒蟹，坦言冇喺新加坡食咁大隻，但胡椒味夠，肉質嫩而蟹肉更硬正，那胡椒香遍佈全隻蟹，一路食一路用手拆蟹，最後連手指都不會放過，因為那香氣連手指都染上了。
見到隔離枱叫了粉絲蝦煲，不期然覺得非常正，忍不住單點叫多個，驚為天人的好吃，粉絲蝦煲冇乜技術可言，但大大隻的蝦，爆出蝦膏，攞清湯，加粉絲，個湯濃郁度像蝦湯，個種滋味，幾大煲我們都吃掉，呢個真心大推薦。
另外單點多個叻沙，椰香奶香皆重，資深的食家可能會批評沒有螄蛤怎像樣，不過我會說，好吃就好，I don’t give a shit。
當然少不了蔬菜選擇，香辣通菜和鹹魚炒銀牙，任你選擇。
甜品拼盤有椰子雪糕，班蘭蛋糕，馬六甲椰汁西米布甸和黃金香蕉球，相對甜點沒有太多元化和多樣性，男人未必喜歡，但外觀好靚，就算你不喜歡，身邊的女士都一定鐘意。
如果俾我揀，我最喜歡班蘭蛋糕，令我想起新加坡機場，愛星馬的你，一定知我說什麼吧。
去不了新加坡，於是打包了勁正的肉骨茶回家孝敬老婆和爸爸媽媽，可能你會問我，粉絲蝦煲唔係好正咩，仲咩唔打包。
你估我唔想咩，哈哈，不過，還是下次帶家人去吃罷。
沒有留言:
發佈留言