老朋友如果特別給你驚喜你覺得可以係乜?
可以係佢中咗六合彩然後請你飲茶食飯跳舞。
可以係成為左政府知名人士然後你有特別待遇。
可以係你很久不見然後給你一份窩心的禮物。
大概以上三個都可以係很大的驚喜，
有點慶幸，我半經歷了第三個所謂的驚喜，當然事實有少少出入，
有一天，朋友A小姐打電話給我，我們大概應該有兩年沒有見過。
我們的相識也是很有趣味，註定我們一定要做朋友，
今次打電話給我，只要問我一些工作上的問題，突然佢問我，
我當然說鐘意，也是事實，
那間店基本上是我這幾年在大角咀必去的店，去過起碼五六次，
然後佢同我講，佢同朋友接手左呢間野，改左名，
今日講完個電話，第日下午五點我就去到。
店名都改埋，但其他野完全冇變，這裡叫Sam哥麵食。
一日都係依然係那種傳統的蛋麵香，大地魚湯香，牛腩汁的香，
每樣的設施，餐廳的裝修也沒有大分別，還是我那時喜歡的舊模樣，
我還記得這間舊餐廳我寫了一篇食評，叫舊街角。
原來都有三四年的時間，不過似乎這麵店依舊，
中匯街依然都是舊區，這或者是舊區依舊可愛之處。
立刻食碗最出名的雲吞牛腩麵，雲吞依舊是非常大粒 咬入去完全是蝦，幾隻大大粒的蝦。
牛腩的香味當然依舊非常強，那個孖筋非常淋，牛腩件件有實力，
麵當然有蛋香，每條也彈牙，而且掛上那濃醇迷人的湯，
另外吃了通菜，這個沒有什麼特別驚喜，不過腐乳的調味，幾出色。
另外，老闆話魚皮好食，於是我便叫一碟來試吓，
菜式例如鳳爪，豬潤，豬手等等都絕對不錯，
另外也吃了鯪魚球米，之前的麵店也是出名的一個項目，爽口彈牙，
最後叫杯椰子水，果然是新人事新作風，
這個老友的驚喜也真是格外特別，以後相信久不久也會來支持一下。
沒有留言:
發佈留言