上次見過朋友們在這裏吃的海膽龍蝦自助餐，一直很想來拜訪一下，可惜上次主題實在太受歡迎，同海膽冇乜緣份訂唔到位，一直耿耿於懷，期待有機會再一次遇到一個好嘅主題再來。
誰知很久不見的M小姐約我食飯，選址正是凱悅酒店咖啡廳，雖然沒有海膽，但至少也滿足，因為想試好耐，唯一尖沙咀呢間酒店自助餐一次都未食過。
同埋幾個朋友，當中朋友N先生應該很高興，因為今次酒店換了主角，以鹿兒島的豚肉為題，不吃牛肉的他有福了。
應該是上次在海洋公園沾上的一個壞習慣，對新鮮活蒸龍蝦上左癮，上次的主題其中一個大主角就係蒸活龍蝦，今次依然保留，每人每次攞一份，但整得好快，完全無冷場，加上鮮甜爽口的龍蝦肉，還有泰式辣醬或山葵飛魚籽汁任你選，不同味覺的刺激感等你可以吃更多。個人喜歡泰式辣醬，你呢？
呢個惡習令我全晚不停來回都係食龍蝦，食番夠本，講真以活龍蝦為主角的自助餐真的不多，成本高過任何蠔或者其他海鮮。
反而其他海鮮有翡翠螺、蝦、青口、大蜆和長腳蟹腳，當然，龍蝦太精彩，令幾樣海鮮都失色左，不過我也照單全收。
每晚都有兩轉直劏的油甘魚，雖然沒有那些呑拿魚咁大條咁搶鏡，但都引來不少人艷羨的目光，而且即劏特別鮮甜新鮮，師傅更加係厚厚切上，記得不要錯過。
其他刺身有牡丹蝦、八爪魚、三文魚及吞拿魚，除了三文魚我沒有吃，全部也非常對板 ，特別有牡丹蝦好肥好大隻。
壽司方面，當中有個選擇不得不吃，為配合豚肉主題，有個好正嘅「鹿兒島豚肉炙燒壽司」，燒過的豚肉油分更強，香得來更不會吃得太膩，不會像平常的和牛壽司一樣吃一件已經隊爆你。
西梅醬鹿兒島豚肉，近似前菜，好開胃，吃不停口，可能個樣令你誤以為係沙律，但食落係另一回事。
既然自助餐其中一個主角係豚肉，就開始講下熱食，瑞士芝士炸釀鹿兒島豚肉，想起了覓食家的雞排，當然這個來得有技巧和高技術， 豚肉夾雜芝士的邪惡，吃一件好了。
鐵板煎宮崎豚腩肉，用蔬菜包上配蒜肉片、辣椒醬、海鮮醬，日式豬肉韓式食法，新鮮感一流。
燉湯係紅棗蟲草花燉豬𦟌，當然迷人，沒有理由抗拒，好似我咁好湯嘅人飲兩碗係好自然嘅事。
另一回本係煎鐵板鵝肝，以多士吃最好，咁你唔會食得太滯，必選之作。
食咖喱選擇也很多，多種不同的款式咖喱和薄餅任你mix and match ，不過千萬不錯過燒雞，絕對是驚喜，而且好多人識貨，好快清左。
麵檔沒有太特別的湯底選擇，不過由於第一次來這間自助餐，試吓食粉麵檔都要，不過不失，但最正常係那個咖喱魚蛋，彈牙得令我想起城中的長洲大魚蛋。
其他鐵板燒仲有好多選擇，好似牛扒，羊扒，秋刀魚、鰈魚等等，朋友吃過都叫好。
當然還有很多熱葷好似炒蜆，雞，黃金蝦，肉丸其他沙律凍肉都不錯，選擇太多但不能盡錄，你都係跟我吃重點吧。
甜品選擇太多，選了幾樣特別好吃的同你地分享，雜莓桃奶凍、阿華田好立克慕絲、拿破崙、芒果朱古力撻、紅莓榛子蛋糕、雜莓撻、馬卡龍、紅莓杏仁蛋糕，伯爵茶黑白朱古力蛋糕、豆腐花等等都不錯。
不過最好嘅就係榴槤撻，好好味，榴槤fans一定不錯過，直逼Bake質素，只不過換主角係榴槤，M小姐唔食榴槤都試左一口，雖然最後敗走，但足見佢幾吸引。
由現在到9月30日，OpenRice 會員經由OpenRice 網上訂座，仲可享有自助晚餐8折優惠，又唔使要用乜嘢銀行信用卡先有優惠，更平易近人，用呢個優惠，最著數。
如果你和我一樣愛上活龍蝦呢個壞習慣，你一定要你試吓呢個自助餐。又或者你喺鹿兒島豚肉嘅fans，又或者你未感受到蒸活龍蝦嘅震撼味覺，更加不用猶豫，來吧。
沒有留言:
發佈留言