不過，近來香港人都非常忙，好多節目，香港受影響不少，本身約了月中來到吃brunch，因為不同原因都改了日子。
這個星期日，下大雨，本身都想再改時間，但係老實講改來改去，不如認命，欣賞下赤柱的濛瀧之美吧，香港人，就應該係能屈能伸。
雖然很大雨，但還是可以來到了。原來美利樓在雨勢下，都幾好睇，煙雨淒迷，又係另一種美。
來到一樓的Ocean Rock，一間外觀非常不錯的餐廳，入到去，又闊又有空間感，雖然下大雨，但人也不少。
天雨的關係，沒有坐外邊，還是在內邊親近自助餐的美食好過。
入到去便經過了半自助餐的美食區，說實話，以半自助餐形式，幾令人興奮。
半自助餐任你攞，然後選一個主菜，如果想飲嘢都有任飲嘅Package，就算飲酒也只是$100 。
前菜的興奮點係，都有很多少見的東西，特別係來自希臘的一眾麵包，鷹嘴荳泥和乳酪，如果像我一起身便過來吃，相信會非常開胃。
麵包，芝士，沙律和海鮮都有不少，蝦和翡翠螺，各有所長，加點沙律菜，吃得更清新。
洋蔥湯也較濃味，當然看你會不會喜歡，我不是超愛，但就近地中海的味道。
如果你和我一樣，係紅菜頭粉絲，你一定會愛死這個沙律。
Parma Ham同煙三文魚都有番咁上下水準，特別係後者嘅肥美，令人欲罷不能。
最重要有大量西班牙的Tapas，應有盡有，數之不盡，我也不會每樣說了，愛西班牙的小食都一定會在這裏找到自己的心頭號，鹹同甜，隨你選。
個人最愛幾種海鮮，煙肉白汁青口，炒魷魚，仲有炸魚柳，未食前菜，剩係食呢幾樣，都已經飽。
每位仲要送兩隻即開生蠔，每個人會比一個籌碼，你只要出去就會即刻有得攞，睇住佢開，包新鮮。
主菜有多款，係努力咁喺個Menu度揀緊嘢嘅時候，這裏的員工話只要upload menu上社交媒體，就會有一杯飲品，杯野飲又靚，輕而易舉的事，當然不能錯過。
主菜我要了扒龍蝦，西班牙海鮮濃湯。上場一刻，都幾靚，半隻龍蝦，加上青口，蜆，魚柳，帶子，龍蝦鉗，加上勁濃的海鮮濃湯，應該係最有西班牙風情的一員，而且每樣海鮮都吃得出是新鮮的來貨。
煎原條龍脷魚，去希臘檸檬乳酪牛油汁，睇住佢即叫即整，非常吸引，而且外觀非常搶眼，唔睇得都打得，咁大條嘅魚應該係menu內最抵食嘅嘢，魚肉充滿檸檬，乳酪和牛油的合成，而且真係好大條，好多魚肉，骨肉又容易分離，愛魚嘅你，必然會選這個做主菜。
食到咁上下，其實都差不多，甜品的選擇也頗豐富。不過人大了，敵不過這麼多美食，特別是甜吃，可免則免。最後只是簡單的吃一杯movenpick 雪糕，便完了心願。
最可惜的應該係唔可以坐外邊，也欣賞不了赤柱的景色，如果你下次過黎有好天氣，絕對不要錯過，這算熱也要坐外邊吧。
PS而家做promote，係餐廳食飯仲會送遨遊赤柱灣嘅門票，40分鐘除了可以欣賞赤柱的景色外，仲可以遠眺美利樓，可惜今日太大雨，太大浪，我就無福消受，如果你睇完我篇文，下次有興趣一定不能錯過，優惠去到中秋都生效。
沒有留言:
發佈留言