六月來黃金海岸的時候，剛剛Cafe Lagoon裝修，還在可惜當時沒法吃到大西北最佳buffet，當日只有食左個牛扒晚餐，想不到九月就重開。
記得之前食過兩三次這裡的buffet，最深刻一定係燒烤檔，仲有數量選擇很多的熱葷。
今次嘅重開，當然係要比以前做得更好，特別係食物上面，不如一齊睇下，去片。
首先，海鮮檔強勢了很多，雪花蟹腳，波士頓龍蝦，貴妃蟹，翡翠螺，紐西蘭青口等等，長期有人龍你就知幾勁。
前菜方面，好多不同種類的沙律和凍肉，風乾牛肉，莎樂美腸，意大利火腿，我最喜歡反而係紅菜頭三文魚。
千萬不要錯過中式的前菜，五味子鴨舌，五味子豬，五味子和牛頰肉，蒜泥白肉和醉雞。我沒有影相，因為每次很快已經俾人清晒，係少有的自助餐選擇。
魚生、壽司當然有，最喜歡係非常慷慨嘅帶子刺身。
另外熱葷方面，大大件芝士放左蕃茄芝士青口，又係非常搶鏡的項目。
我相信，如果我話今次最搶眼係粉麵檔，五味子鴨湯麵 , 雞湯麵係今次主角，信不信？你話食自助餐食粉麵？冇野吖嘛？不過，五個選擇芽菜 ,唐生菜, 雞紅, 雞肝, 鴨腸全部都咁受歡迎，老實你喺出邊一定食唔到呢啲咁嘅嘢。
雞紅最普通，但雞肝, 鴨腸真係好好味。
仲有呢度用上係怡保一樣嘅粗芽菜，我就咁食左兩碗。
清蒸比目魚又係一絕，蒸得剛剛好。其他熱葷如香煎味噌鰽魚，香草烤雜菜，焗比目魚三文魚卷配紅花忌廉汁都好正。
點心也有供應，蒸蝦餃，蒸牛肉球和豬仔奶皇包，不過當然好喜歡點心，才拜訪吧。如果唔係我寧願食多碗粉好過。
當然還有牛扒和燒雞呢d人人有嘅項目。
咖喱Counter有印式牛油雞，印式芝士咖哩，印式烤魚，烤雞和泰式青咖哩雞都同樣受歡迎。
你以為寫咗咁多已經係重點？對唔住出邊嘅counter先至係重中之重，首先有香煎鵝肝配意大利黑醋及紅莓，番本首選。
不停地炸天婦羅，軟殼蟹, 蕃薯, 南瓜等等，唔怕熱氣嘅就嚟啦。
無限供應蒜茸粉絲蒸扇貝同Takoyaki 章魚小丸子。
燒物有多種，炭燒雞翼，燒大頭蝦，燒豬頸肉，雜錦沙嗲，香蕉都有。
最正嘅係有芝士燒龍蝦。
另外必吃的有炭燒琵琶鴨，朋友攞左隻脾，食到真係好滿足，唔一定要食雞髀先會牙骹軟，鴨脾都得。
即煮嘅菜檔仲有通菜西生菜菜心娃娃菜和芥蘭，用上腐乳 ,蠔油, 豉油, 香蒜油任你選擇。
當然啤酒汽水任飲，冇乜好影，你有本事食得多又飲得多，就放膽去吧。
前菜意粉燒烤咁豐富，其實都已經冇乜心機位置食甜品，多種唔同嘅蛋糕，窩夫，中式甜品，朱古力噴泉等等，愛甜的朋友肯定收穫豐富。
呢度仲有好特別嘅Kids’ Corner 兒童天地，有爆谷，糖果，蛋糕，最重要有一包包嘅Kitkat，好搶手，係其中一個最受歡迎嘅項目。
重新出發後，食物選擇更多更豐富，未嚟過嘅一定要過黎試，食過嘅就一齊睇下有乜新發現。
沒有留言:
發佈留言