茶湯會：在oppa之前

難得約咗近來最大熱嘅韓國餐廳Hansik Goo食飯，可惜餐廳要8:30先至有枱，少少時間當然唔好放過，坐低飲杯野。

本來我嘅性格，應該坐低飲酒，但近來好似飲得太過凶狠，嚟緊週末又有萬聖節，不宜飲太多，宜休戰一晚，都係飲杯咖啡或茶就算。

而家冇飛機搭，冇人問你飲咖啡或茶，剛巧經過地鐵站附近嘅茶湯會，咁啱又有位，就坐低飲杯嘢啦。 講開呢間茶湯會，兩次都係撞啱有時間行過飲杯嘢，原來呢間係旗艦店，有眼不識泰山。

見到剛剛出了個新餐單，大家都話Hansik Goo食唔飽，順理成章呢度食少少野。 叫了新鮮水果茶，我真係好耐冇來過茶湯會，應該不是新的，但暖暖的熱水果茶叫人暖在心頭。

太太叫的熱燕麥觀音珍珠拿鐵，完全係好似朝早食麥片咁嘅感覺，呢兩杯熱飲，係絲絲寒意的天氣特別吸引。

由於想吃點東西，看到新的茶湯會熱壓吐司系列，兩種選擇，一個係爆醬珍奶奶吐司，另一個係香辣吞拿魚吐司，我選了後者。

聽呢度嘅員工講，香辣吞拿魚吐司的香辣醬是由台灣過來，同平時食開嘅，感覺新鮮少少，辣醬開胃，而且放在Hansik Goo前更對。 這個點，在較夜吃fine dining和中環去蒲前的最佳聚腳點。

茶湯會 (環球大廈) 中環德輔道中19號環球大廈地下C1號舖