自助遊星馬

久未復出食過自助餐，要食就要番個突出鮮明嘅theme。 旅遊氣泡爆左，大家依舊不知幾時有得飛，係咁，如果俾左錢驗新冠肺炎測試又俾左錢買機票嘅人可能都要搵番下心靈慰藉，一於就食番個星馬泰自助餐吧。

呢到嘅星州珍味自助晚餐，其實一路係centre street kitchen做得好好嘅一個project ，至少，去過兩次，都值回票價，以三百多一個人的價錢，你可以食盡大部分的星州美食。 海南雞飯，絕對係得，之前朋友係天天海南雞飯，食到講哂粗口，誰估到自助餐都咁高質。Mr white, 我強烈建議你來試試。

叻沙相對簡單，溫和，而且不會太過辣，但你總是會吃到那個味叫你想起新加坡的熱帶氣息。

炒貴刁，少吃油膩的D小姐都讚到天上有地下無你就知道應該唔會太差，當然你唔可以想像好似係新加坡嘅food媽劇嗰種鑊氣，但香港來說，不錯了。 串燒一點也不差，食半打絕對係閒事，豬牛雞就你喜歡發辦。

炒蘿蔔糕和白胡椒蝦又點可以無佢哋嘅蹤影。

咖央多，當你看到嗰塊牛油嘅時候，你又點可以唔俾佢吸引到，加杯南洋咖啡，應該係最精彩嘅早餐。

除咗叻沙，仲有蝦湯麵，個人覺得叻沙出色啲。 仲有其他好似巴東牛肉，肉骨茶，咖喱雞，相對較簡單嘅就樣樣食少少，畢竟食量冇以前咁多。

喺香港非常少見嘅魔鬼魚，除咗喺鴻福見到之外，香港真係冇乜地方好似可以食到魔鬼魚呢樣野。

差d唔記得加多加多，未食過絕對值得試。 當然除咗呢啲星馬之外仲有好多唔同嘅海鮮，刺身俾你任君選擇，海鮮種類都算幾多，只怕你掛住遊星馬，無胃口。

甜品方面，最出色一定係摩摩喳喳同埋班蘭糕，兩個一定不可錯過。

仲有其他都幾特別嘅甜品，不詳談，因為聽講經常會換。

但如果你曾經有計劃過去新加坡而因為旅遊氣泡告吹的話，我提議你可以來這裡，至少價錢平得多。

中西∙環

西環西營盤干諾道西152號港島太平洋酒店1樓