2021年5月3日星期一

令和鍋物酒場:芫荽福音

我相信對芫荽熱愛嘅人都知道有一個facebook group叫做香港芫荽黨,其中一間係group入面最為人津津樂道嘅餐廳就係呢間令和鍋物酒場。
當中的濃厚芫茜鍋,見過唔同嘅人post過8864次,但係唯獨是自己未試過,成日話約呢個朋友去,又話個班同事去,最後都沒有成事。終於的起心肝兩個人來,自私食。
今次目的當然主要針對佢嘅芫荽食品,我地兩個都是熱愛芫荽之人。加上,如果你熱愛清酒,都不能錯過,選擇十分多,基本上未食完呢餐已經想再嚟食串燒打邊爐再飲清酒。
濃厚芫茜鍋,睇個樣已經知道正,濃厚嘅芫荽味,絕對令你有幸福嘅感覺,配合薩摩赤雞一大碟加野菜豆腐盤,咁嘅陣容只係二百幾蚊,老實講淨係一個鍋我已經覺得值得比二百幾。
飲一口芫荽湯,非常之濃郁,感覺溫暖而快樂,愛芫茜嘅人直頭可以話係一秒感動。
加上大量蔬菜,野菜豆腐盤直頭係愛蔬菜嘅朋友嘅佳音,整體感覺好好食,就算打邊爐都冇罪惡感。
薩摩赤雞,幾嫩滑,來自日本,自然有質素保證,入邊仲要有米粉,基本上呢個鍋如果你細食都可以飽。
點下其他菜式,叫了個慢煮雞肉芫茜沙津,雞肉同芫茜原來係咁夾,除鍋物外,再證實了這大道理。
其他推薦芫荽菜式最尾只係冇叫過芫荽天婦羅,留名下次再食。
芫荽豚肉卷都不錯,感受到呢度串燒幾高質。
於是再叫多串鹽燒白鱔,呢個更加出色,下次絕對可以淨係飲酒食串燒,如果朋友不愛芫荽鍋的話。
當然唔可以浪費鍋物,叫了稻庭烏冬一份同美國安格斯牛肉,芫荽湯雞肉牛肉烏冬正到不得了。
清酒選擇其實真係好多,由而家最出名嘅大嶺三粒米到生原酒都有,不過我哋得兩個人,叫一支清酒搞唔掂,於是各自點了青檸燒酌梳打同烏龍茶燒酌。
就咁簡簡單單已經好滿足,愛芫荽的又怎會不是福音。
令和鍋物酒場  尖沙咀厚福街9號豪華閣1樓

沒有留言:

發佈留言