Ember: 藍色星期一

冇諗過，銅鑼灣嘅鬧市， $300可以有四個course嘅晚餐。

質素仲要唔錯，有前菜有湯有主菜有甜品，怪不得星期一都坐滿客，我同一位朋友，好久不見，加一杯酒，閒談了一晚，絕對係非常好嘅選擇。

Ember，唔好串錯字以為係中環嘅高級餐廳，位於告士打道相對較寧靜一點嘅銅鑼灣區域，可能因為咁，價錢可以平啲。

我同朋友每人叫咗一個餐，各自點了自己想食嘅東西。

先飲湯，我飲干邑龍蝦湯，佢飲牛肝菌忌廉湯。互相各自試味，我較喜歡自己嘅龍蝦湯，唯一唔好係太細碗。

不過當然明白，呢個價錢可以接受呢個缺點。

前菜都有多種唔同嘅選擇，喺海鮮，刺身同鵝肝當中，我選擇了清酒辣椒煮蜆，朋友就簡單煎鵝肝。

清酒辣椒煮蜆質素佳，怕肥嘅關係，我冇特別吃煎鵝肝，但朋友不用3分鐘就食完，我相信這是最好嘅證明。

主菜的確令到人花多眼亂，多種唔同嘅意粉同飯，另外牛扒羊扒豬扒魚類乜都有齊，你會驚奇一間酒吧餐廳點可以做到呢個格局咁多元化。

我選擇了虎蝦手做幼蛋麵，本身應該係西班牙紅蝦做主角，可惜西班牙紅蝦售罄，虎蝦也不錯，手做幼蛋麵配龍蝦汁，同剛剛我飲嘅龍蝦湯感覺一致。

朋友選嘅烤美國熟成肉眼扒，賣相一流，非常大份，配菜仲有油封蕃茄，薯仔同蘆筍，以呢個價錢真係佛心價，講真你自己煮都要呢個價錢。

唯一缺點係個甜品比較Hea少少，原因唔係因為唔好食，係有少少求其，用咖啡杯送上一個雪糕，咖啡杯勁大個杯，雪糕好細舊，係唯一破壞呢餐飯嘅美中不足之處。

不過以一餐簡單晚餐來講，應該好多人都會滿意。

我點一杯紅酒，我朋友點一杯mocktail，就這樣結束我的blue monday。

Ember 銅鑼灣告士打道229-230號宇宙商業大廈地舖