CARAT:大約在孟買

聽過CARAT的名字，源於蘭桂坊的回憶。

那時侯，朋友推介中環分店呢邊食水煙，那個年代蘭桂坊仲係擠得水洩不通，當時還不知道原來呢度印度小食十分出名。

有一天，看見朋友推薦尖沙咀的Carat，我心想點解咁熟面口，但佢話唔係黎食水煙，反而呢間分店竟然以Fine Dining 為主。

落差咁大，令我對呢間餐廳更加之有興趣，老婆又係印度菜粉絲，一於試試。

原來尖沙咀CARAT呢間野嘅主廚大有來頭，係孟買嘅Grand Hyatt做過大廚，於是更加期待。

店員推薦的新德里懷舊三色小食拼盤，由印度特色鷹嘴豆空心脆球，乳酪扁豆蓉脆餅，脆炸小扁豆餅三個小食組成。

最鍾意嘅一定係空心脆球，自從上次Diwali 吃過之後念念不忘。脆炸小扁豆餅相對簡單得來唔複雜，味道直率。

乳酪扁豆蓉脆餅，冇諗過咁出色，吃下去仲以為係肉丸，乳酪味勁重。

另外店員也推介了天多里烤自家製茅屋芝士球釀果仁四川風味醬，叫呢個菜式嘅原因完全因為老婆係芝士嘅愛好者，自家製茅屋芝士球外層煎得脆，加上黃椒同紅椒嘅配搭下味道口感更豐富。

天多里爐肉拼盤，有雞件，魚柳和羊肉，唔駛諗嘅懶人首選，用唔同嘅乳酪同香料醃製，放入天多里烤爐燒焗，即叫即燒，香味濃郁，肉汁滿瀉。

雞應該係最出色嘅作品，羊肉點上薄荷辣醬特別好食，魚柳就係做番自己。

當然要試埋咖哩，又係佢地推介的茅屋芝士球釀乾果濃香蕃茄腰果蓉奶油咖喱，味道辣辣地，同樣有好有咬口的茅屋芝士球，唔會太油膩的咖哩，送烤餅一流。

牛油烤餅同蒜香烤餅，我選擇了蒜香烤餅，點咖哩，一流的朋友。

Mango Lassi同拉茶都係一如水準，拉茶一樽上好搞笑，茶香一流，不過要自己加糖才夠甜，食飽飲番杯，才夠完美。

我在想，唔知係印度當地食感覺如何呢？不過，唔知幾時先有機會去了。

CARAT Fine Indian and Mediterranean Cuisine (盈豐商業大廈) 尖沙咀寶勒巷6-8A號盈豐商業大廈4樓