Oyster station:周年紀念

去年，外父外母周年紀念，去左Forkers慶祝，食得好高興，今年，本來想再下一乘，搵左間好野試下。

點知，佢地話簡單食下就可以，個日喺荃灣有嘢做，於是求其喺荃灣揀間餐廳。

荃灣要食高檔餐廳講真就唔多，於是選了平民化少少的oyster Station，為的就是佢唔錯嘅意粉同埋蠔promotion。

要講食蠔嘅promotion 中環西環好多餐廳其實已經幾年前玩緊，特別係歡樂時光$10隻蠔，可以話係成日有，當然品質就一半一半好。

oyster station 出名多分店，而且呢個食蠔嘅優惠都好多分店都有。

慢慢優惠唔同，今晚係法國嘅gillardeau。基本上叫一打係最好不過嘅常識，來自法國嘅蠔非常新鮮清甜，海水味重，講真，$10一隻，又唔使自己開，如果我後生啲 ，啪三打都可以㗎。

四個人當然要叫啲重量級嘅食物，呢度嘅炸豬手做得非常唔錯，外父讚不絕口，豬皮脆得索索聲，大大隻的豬手，吃得好開心。

主食當然要叫啲意粉，簡單嘅辣椒炒意粉，已經係最好嘅美味，$100嘅價錢你唔好同involtini做比較。

另外叫的黑松露意大利飯，係外母嘅最愛，一浸黑松露嘅香氣撲鼻怡人，全部都叫佢哋鍾意嘅嘢食，簡簡單單。

一人叫咗一杯啤酒，慶祝吓呢個特別日子，每人都係$200到，去邊搵。

呢個價錢，完全唔使煮，仲要食到唔錯嘅生蠔，又主食又豬手，仲要飲埋酒，幾好 ，其實話係周年紀念食，有點那個，搵日再慶祝。

有時周年紀念唔一定話下下食米芝蓮，當然呢個statement ，只係交俾外父外母，我老婆則作別論。 蠔站 (荃新天地) 荃灣楊屋道1號荃新天地一期上層地下UG41號舖