劉一手重慶火鍋：劉一手回歸了

繼去年劉一手重慶火鍋全線分店結業後，無諗過一年後，咁快又再翻黎同大家見面。

可能佢都知道你冇得返大陸打邊爐會大掛住個麻辣湯底，於是Gaia Group再度引入，等你可以重溫個美味。

今年再度回歸香港，唔再係銅鑼灣開分店，反而選擇了選九龍塘又一城，我估價錢風格定位同以前都會有少少分別。

最重要係招牌麻辣湯底唔同左，不是一味重牛油死辣，今次係辣得來又溫柔體貼，佢嘅辣方紅油麻辣紅油湯，用上幾種不同辣嘅椒如漢源花椒，貢椒同二荊條等等，仲有多種唔同嘅中藥材香料，辣得來非常之溫和。

選擇了放假weekday 同屋企人嚟食飯，選三種唔同嘅肉類，再加上有菜，丸類，魚生丼飯，一位都係$228起，仲要係一個有新又舒適嘅環境打邊爐，包湯底，都幾抵。

最好都係要鴛鴦湯底，驚阿媽太辣食唔到，但係後期我哋都主攻辣湯。

多種唔同嘅肉類，感覺都幾出色，五花腩，雞肉，牛小排當然不錯，我反而特別喜歡豬頸肉。

貢丸，墨魚丸，菜類都係正常水準，但係個辣湯底食烏冬同薯粉就一定最出色。

當然仲有鴨紅同好吸味嘅芋絲啦。

最尾一定要食個紅糖糍粑，加個黑糖飲品，解辣又好食。

出奇地個沙律同魚生飯又唔錯，雖然你會覺得格格不入。

今次兩個人簡簡單單食下午飯，下次夜晚再嚟試吓唔同嘅嘢食。點都好，佢嘅回歸俾愛辣嘅你同我多一個新選擇。

劉一手重慶火鍋 九龍塘達之路80號又一城UG樓37-38號舖