Gusto: 戶外收藏

星期六日有個習慣，最愛係天晴時間，選一間戶外餐廳，享受下陽光，清新空氣同美食和周末的悠閑感。

Sunday Brunch不用說當然係好選擇，但唔可以成日食，以前去過大角咀奧海城三期個啲outdoor餐廳，紅磡的紅糖等等，類似餐廳就會點都搵機會去下，然後有日講起呢個話題，朋友就推介尖東地鐵站東的Gusto。

以前夜晚經過呢個地鐵站成日會見到好多人喺度飲嘢，原來半年前已經轉手呢間新餐廳，上星期日就去試下。

主力食意大利菜，出奇地星期日唔會太過多人，唔使訂位Walk in都有位，夜晚有酒飲有水煙有飯食。下午，有外國嘅朋友已經飲返兩杯。同屋企人食冇咁奔放下午就飲，先吃點餐前麵包送橄欖油同意大利醋，對辦。

先點了個Calabrese Pizza，我想起了k11 的那意大利餐廳，同樣走比較薄身路線嘅薄餅，芝士火腿少不免，薄餅邊夠脆，味道剛剛好，即點即整又夠熱，拉出個下沒有拉絲可能你會有點失望。

Truffle Carbonara，滿滿松露香，唯獨意粉應該唔係自己手做，未能為你留下一個非常之深刻嘅印象，但其Carbonara係唔會令你覺得好油好辛苦個種。

Suckling Pig Roll好驚喜脆脆豬皮入面包著豬肉，熱烘烘的，加上其酸酸甜甜的醬汁，好開胃，驚喜不斷。

配菜點了Fried Artichoke同Baby Asparagus，佢做菜嘅水準都非常好，加左PAPRIKA，香氣更加四射。

意大利特色甜品Cannoli當然係必點之列，水準同喺蘇豪一間意大利小館食過一樣咁好。

下次如果喺度飲番杯酒 ，再試多幾種唔同其他菜式，應該更好 ，又或者如果呢度有香檳嘅brunch ，一定會更加吸引。

Gusto - Taste Italian 尖沙咀麼地道61號冠華中心地下3A, 5及6號舖